الفرق بين الفتيس المانيوال و الاوتوماتيك و الايزي ترونيك و الستيب ترونيك

 الفتيس المانيوال manual

بيتكون من عدة نقلات 1 , 2, 3 , 4, 5 , R و في عربيات الفتيس فيها 1 , 2, 3 , 4 , R و وظيفة كل واحدة كالآتي : 1:  للطلعة بس يعني يا دوب نطلع بالعربية و ننقل ع النقلة اللي بعدها اللي هي 2 و الاولاني بينفع لو كل شوية بتطلع و تقف في الاشارة ( خاصة اشارة روكسي اللي بعيط فيها من الوقفة) 2:  و ديه النقلة اللي بننقل ليها بعد الطلعة الأولانية و بتستمر معاك لحد سرعة 40 تقريبا و بتابع طبعا ع الاري بي ام و الـ2 ده لو هتفضل ماشي ع سرعة هادية لا تزيد علي الــ40 3:  و ديه تالت نقلة في الفتيس و و هنا لما تكون عايز تزيد عن سرعة الــ40 و توصل لحد 60­70 و تعتبر سرعة قليلة بالنسبالي 4:  و النقلة ديه احيانا بتكون اخر نقلة في الفتيس و احيانا تكون النقلة قبل الاخيرة و ديه بتنقل ليها لما سرعتك هتزيد عن سرعة 70 و تبتدي تدخل بقي في 100 فيما فوق 5:  اما الخامس فديه زي مقولنا في عربيات عربيات بس عامة الأغلب فيه خامس حتي الالتو 800 سي سي دخلها خامس و النقلة ديه لما تحب تزود بعد الــ130 و بتريح الموتور كمان هتلاقي صوت الموتور كده بقي هادي و مستريح R:  والنقلة ديه لما نحب نرجع بالعربية لورا

الفتيس الاوتوماتيك Automatic

بالنسبة للفتيس الأوتوماتك فيه أربع حارات أساسية وهي D , N , R , P ووظيفة كل واحدة كالاتي: P : و ده بنستخدمه في تثبيت العربية في مكانها و ده لما تسيب العربية مركونة في اي مكان وهي نفس الغرض لما نيجي نعشق العربية المانيوال عند أي غيار لما نركنها عشان متتحركش ولكن الوضع P مش بيعشق الفتيس بالموتور و بالتالي نقدر ندور الموتور ع الوضع ده. R : والوضع ده عشان نرجع بالعربية لورا (مارشدير ) N : وده وضع محايد يعني زي لما نمور العربية في المانيوال و نقدر برده ندور الموتور في الوضع . D :و الوضع ده عشان نطلع بالعربية وعند الوضع ده الفتيس بينقل مع نفسه  كل اللي عليك تزود بنزين او تدوس فرامل

استيب ترونيك Tiptronic

هو فتيس اتوماتيك و فيه الامكانيه ان انت تقدر تحوله لمانيوال

فيه D,N,R,P و و فيه كل حاجة زي اللي اتكلمنا عليه بس  جنب الـ D هتلاقي فيه علامتين هم ( + ) و( ­ ) و هو ده المانيوال اللي فيه  لما تجيبه علي الجزء بتاع + و ­ تقدر تستخدمه بأن انت تتحكم امتي تعلي الغيار عن طريق لمس الفتيس في الاتجاه ( + ) أو امتي تقلل الغيار عن طريق لمسه في الاتجاه ( ­- ) ( وعشان كده بيسموه touch Manual لأن انت بتنقل عن طريق لمسه في اي اتجاه من الاتجاهين. و طريقة سواقة التيبترونك هي هي الفرق الزيادة هو الــ + و ­ عشان تتحكم مانيوال في السرعة تعلي او تقل في برده فتيس تيبترونك 2 بس برده زي الاوتوماتيك الفرق برده زرار الامان اللي بتدوس عليه عشان تنقل مش اكتر يعني واحد لازم تدوس زرار الامان عشان تنقل و واحد يا دوب بتحركه للحارات بدون ما تدوس ع زرار امان عيوب الفتيس التيبترونك -زيادة استهلاك البنزين ­ -التكلفة غالية جدا

مميزاته : انه بيدى عزم و سحب اقوى من الاوتوماتيك لان المانيوال بطبعه اقوى من الاوتوماتيك و ده الى خلى عربيه زى الفيكترا (ايزى ترونيك) تتفوق على الجيتا و الاوكتافيا (تيبترونيك) فى السحب مع انهم نفس الحجم و الوزن و قوه الموتور.

ايزى ترونك Easytronic

هو نموذج للفتيس اليدوي ولكن بصبغة تلقائية، بحيث يتواجد فيه خيارات “D +” أو “D-”، بالإضافة إلى “P”و”N” و”R”، بحيث لا يقوم قائد السيارة بتحريك العصاة في اتجاهات محددة لإدخال التروس في المجرى المخصصة بكل سرعة.

الايزي ترونك بيحتوي ع 3 حارات هم ( – ) , ( + )  , R ,N N: و ده لما تجي تدور العربية زي ما تقول كده ممورها R : و ده عشان ترجع ورا كالمعتاد ( + ) : تعلي الغيار ( – ) : تقلل الغيار