تجميعه لاسئله الانترفيو

اول سؤال ممكن نواجهة هو كلمنى عن نفسك شوية ؟ و ممكن فى الشركات المالتى يبقى عاوزك تكلمة عن نفسك بالانجليزى ؟ خلى بالك هو مش عاوزك تحكيلة انت بتحب اية ولا بتكرة اية و لا عندك كام اخ او باباك او مامتك بيشتغلوا اية ؟ هو عاوز يعرف انت هاتعرف تبيع نفسك لية ولا لا؟ او هاتعرف تتكلم عن نفسك بطريقة كويسة و منظمة و لا لا؟ طبعا مفيش فورما ثابتة لاجابة السؤال دة لانها بتختلف من واحد للتانى بس انا ممكن اكلمكم عن العناصر اللى تتكلموا عنها : اسمك ... دراستك ..... ur skills and qualifications Ur work history لية انت عاوز تشتغل فى الشركة بتاعتة .... طبعا متقلوش عشان هى شركة حلوة لا دة غلط.. فى كلمات و عبارات تانية ممكن تستخدمها حتى لو بالانجليش ur company ia a leader company (not good company) and forfront in making promotion for wonderful products and I hope to be part of ur team ---------------------------------------------------------------------------- السؤال التانى بقى اللى بينتسالة دايما و خصوصا لو فريشى تعرف اية عن الدعايا ؟ اية مفهومك عن الدعايا ؟ تقولة يا دكتور الدعايا دى بأختصار انك بتعمل Satisfying to your customer needs يعنى اية الكلام الغريب دة ؟ يعنى الشخص اللى قدامك عندة احتيجات معينة و انا بحاول اوظف مميزاتى انى اغطى الاحتياجات دى بطريقة سليمة الدكتور اللى قدامى مثلا عاوز دوا فعال و سريع و ملوش اضرار جانبية كتير ازاى بقى انا اقدر اوظف منتجى انى اغطى الاحتياجات دى .....هى دى الدعايا -------------------------------------------------------------------- السؤال الثالث ر .......... اية مميزاتك ؟ او يقولك ايةو اللى يخلينى اختار..........؟ او يقولك انا قدامى 20 cv اية اللى يخلينى اختارك انت بالذات ؟ طبعا كلها سؤال واحد بصور مختلفة ازاى تجاوب علية؟ طبعا في مميزات كتير ممكن تتكلم عنها بس المهم تكون ليها علاقة بالشغل زى مثلا 1/ المعرفة : انك عارف كتير عن السوق وا لادوية 2/ الثقة بالنفس و دى طبعا حاجة مهمة جدا فى الشغل 3/ انك شخص عندك قول عند الاخريين فبالتالى عندك القدرة على تكوين علاقات مع الناس و دى حاجة مهمة جدااااااااااااااا فى شغلانتنا دى 4/ انك hard worker او work under stress 5/ انك بتقدر تشتغل لوقت طويل جدا من غير ما تتعب 6/ انك امين جدا فى شغلك و مخلص لشركتك و حاجات كتير طبعا ممكن تكلمة عنها ......................... ........................ ........................... و كان اخر سؤال فى الجزء الاول اية مميزاتك ؟ و عرفنا نجاوب علية ازاى ؟ الطبيعى ان السؤال اللى بعد كدة انة يقولك اية هى عيوبك؟ كتير مننا مش بيعرف يجاوب عن السؤال دة و بيتلغبط جدا :انت ممكن تجاوب علية بطريقتين الاولى : انك تقول الميزة و كأنها عيب............ ازاااااااااااااااااى؟ يعنى مثلا تقولة مشكلتى يا دكتور بجد اننا بهتم اووى بالتفاصيل يعنى كل دكتور اعملة فايل او ملف عندى فية كل المعلومات ..........الخاصة بية و دة بياخد منى مجهود كبير ووقت مشكلتى اننا ممكن انسى نفسى فى الشغل بدل ما بعمل 10 زيارات اعمل20 تمام ؟ دى طريقة ..... طيب الطريقة التانية؟ انك تقولة على عيب فيك بس ملوش اى علاقة بالشغل ؟ ازاى؟ ............مشكلتى يا دكتور اننا بهتم اوووى بالكورة و بسمع ماتشات كتير ................مشكلتى اننا مليش اصحاب خالص ..................مشكلتى اننا صعب اوى اثق فى الناس طيب انهى طريقة افضل ؟ الطريقة التانية ....طيب لية؟ لان الطريقة الاولى انك تقولة على مميزاتك و كانها عيوب هو كدة بيعرف انك سورى يعنى بتصيع علية ...........تمام؟ (بذمتكم يا جماعة كام واحد هايدعيلى بعد التوبيك دة ؟؟؟؟) .....دى جملة اعتراضية بس عشان شكلكم مركزين اوووى فى الموضوع ------------------------------------------------------------- طيب نرجع لموضوعنا ..........ممكن يسألك و يقولك لو انت شغال فى شركة طيب طالما انت شغال فى شركة كذا ؟ لية عاوز تسيب شركتك و تيجى هنا ؟ .........................ترد ازاى ؟ الطبيعى انك طبعا مقدم على شركة احسن بس متتقلش كدة امال تتقال ازاى ؟ تقولة :اولا انا يا دكتور بطبيعتى اننا طموح جداااااااا و بدور على الافضل لى وبتمنى انى اكبر فى المجال دة و اكون فى شركة مجهودى يبان فيها اكتر ...........(ثانيا يا دكتور انا دايما بحسب الفايدة اللى هاتعود على ( مرتب اعلى او عربية او انسنتف ) متقلقش مش عيب انك تقول كدة كلنا بنشتغل عشان الفلوس و هو كمان اللى بيعمل معاك الانترفيو لو جتلة فرصة يروح شركة تانى فلوسها اكتر هايروح طيب هتلاقية بقى على طول اداك السؤال اللى بعدة و قالك يعنى لو انا قبلتك دلوقتى و بعد سنة مثلا جتلك فرصة فى شركة تانية زيينا فى كل حاجة بس الفلوس هناك اكتر او مرتبها اعلى هاتسبينا و تروحى؟ من غير تفكير او تردد رد و قولة : طبعا هاروح لان يا دكتور كلنا بنشتغل عشان الفلوس و دى حاجة مش عيب او انك مش بتبص للفلوس بس بتبص للبادجت كلها بوزشيشن او مدير وتامين على فكرة لو جاوبت اى اجابة غير كدا هايعرف انك كداب .............او انك مش طموح دى الاجابة الصح طيب ممكن يسألك سؤال ....يقولك قولى اى عيوب شركتك ؟ او اية الحاجات اللى مش عجباك فى مديرك ؟ خلى بالك هو بيوقعك فى الكلام .............اوعى تغلط فى شركتك او مديرك حتى لو هما ناس بنت ستين ................ اوعى تغلط فيهم لا : قولة بأمانة هما ناس محترمين و انا فى الفترة اللى انا كنت معاهم فيها اتعلمت منهم كتيير بس انا بدور دايما على الافضل ليا لو غلطت فى شركتك النهاردة بكرة هاتغلط فيهم لما تيجى تسيبهم بيحسبها كدا .............تمام ؟ طيب ممكن يسال سؤال مثلا لية مفكرتش انك تشتغل فى صيدلية او معمل او عيادة بيطرى او اى حاجة غير الريب ؟ ترد تقولة اية ؟ يا دكتور تتفق معايا ان كل career لية qualifications معينة تتناسب معاة ؟ يقولك اة طبعا تقولة و حضرتك تتفق معايا ان كل واحد مهم اوى بالنسبالة انة يعرف امكانياتة دى تتناسب مع انهى career عشان يعرف يختار صح؟ هايقولك اة طبعا تقولة تمام انا من ساعة ما دخلت الكلية و انا شايف ان المجال دة هو اللى هاقدر انجح فية و اقدر اثبت نفسى فية و يتناسب مع امكانياتى لو قالك لية يا ..........مفكرتش تروح شركة مالتى ؟ تقولة يا دكتور الشركة المالتى دى زيها زى اى شركة تانية كلها شركات ادوية و حضرتك عارف احنا عاملين زى لعيبة الكورة ممكن نحترف فى شركة واحدة طول عمرنا لو حسينا بالراحة و الاستابلتى و ممكن نروح كذا شركة......... طيب ممكن يديلك قلم و يقولك بعهولى او موبايل تعبان و يقولك بعهولى ؟ ركز معايا بقى فى الحتة دى ...قبل ما اجاوبك على السؤال دة عاوزك تعرف الفرق بين كلمتين مهمين جدااااااااااااا Features and benefits Feature يعنى الخصائص Benefis يعنى الفائدة يعنى اية الكلام دة ؟ يعنى لو انا بتتكلم مثلا عن الموبايل بتاعى هاقول ان موبايلى فية بلوتوث فبالتالى انا بقدر ابعت صور و اغانى لاصحابى و هما كمان يبعتولى ( موبايلى فية بلوتوث ) دى feature خاصية اقدر ابعت لاصحابى ) دى بقى ال benefit ...الفايدة اللى هاتعود على من الخاصية دى مثال تانى اللاب توب بتاعى سعة الذاكرة فية 400 جيجا ( feature )................ فبالتالى ممكن احمل علية كل اللى انا عاوزة ( benefits )........... تمام فهمتوا النقطة دى ؟...... طيب نرجع بقى للسؤال بتاعنا اللى هو لو اداك موبايل و قالك بعهولى ؟؟؟ ترد تقول اية ؟ طيب مساء الخير يا دكتور انا ......من شركة نوكيا ..انا كنت عاوز اسأل حضرتك يا ترى اية امكانيات الموبايل اللى حضرتك بتفضلة ؟؟؟؟ ( انت بتسألة السؤال دة عشان تعرف needs بتاعتة اية فى الاول ) هو طبعا هايرد يقولك كذا.............. تقولة تمام يا دكتور عشان كدة انا يشرفنى انى اكلم حضرتك عن موبايل ...... اللى فية خاصية البوتوث feature ))............ اللى بيها تقدر تبعت لاصحابك صور و اغانى (benefit )................. كمان يا دكتور بيشيل اكتر من 500 اسم (feature ) ............. فبالتالى ممكن تسجل علية كل اسماء اصدقائك و زمايل حضرتك فى الشغل ( benefit).......... و كمان يا دكتور................. و تكمل كلامك بالنظام دة feature و benefits بس المهم انك تعمل cover لل needs اللى قالها فى الاول لو انت يا برنس جاوبت السؤال دة بالطريقة دى اعتبر نفسك اشتغلت ....لانة هايعرف انك بروفيشنال طيب لو سألك وقلك رتبلى من حيث الاهمية ( اسم الشركة / المندوب / الدواء / الtools زى البرشور او العينات مثلا ) اية الاهم فالمهم ؟ طبعا انا عارف ان الشركة بتفرق كتير و اسم الشركة ممكن تكون رقم واحد لكن مش دى الاجابة اللى هو عاوزها هو عاوزك تقولة ان المندوب رقم واحد هو اهم حاجة فى الشغل ثانيا الدواء ثالثا ال tools رابعا الشركة انا عارف ان فى اوقات كتير الوضع فى الحقيقى مش بيكون كدة فى عوامل كتير بتفرق بس هى دى الاجابة اللى عاوز يسمعها منك طيب لو سألك قالك : لو قدامك دكتورين واحد بيكتبلك 8 علب فى اليوم و التانى بيكتبلك علبتين فى اليوم تزور مين اكتر؟؟؟؟؟ الاجابة النموذجية عن السؤال دة انك تقولة : انا طبعا يا دكتور هاكون مركز اكتر مع اللى بيكتبلى 8 لان دة هو اللى هايجبلى التارجيت بتاعى هو دة اللى انا معتمد علية ( لكنطبعا يا دكتور اللى بيكتب علبتين بس دة افضل فرصة قدامى اننا اعمل جروث كويس فى البيع بتاعى لانى مش بشتغل عشان التارجيت و بس لا انا لازم اعمل جروث و ارقامى كل شوية تزيد ) انا متهيألى بعد الكلمتين دول المفروض يقوم يبوسك .................على شفايفك اللى بتنقط عسل دى..... طيب لو سألك .طيب لو قلتلك تشتغل فى مكان غير بلدك او منطقتك تقول اية ؟ قولة طبعا اوافق ....متقلقش هو مش هيخليك تشتغل فى حتة تانية انت جاى تعمل انترفيو على مكان محدد هو عاوزك فية بس هو عاوز يتأكد انك فعلا مطيع فى الشغل ولا لا؟ كمان لو صاحبك اللى ماسك المحافظة اللى جنبك اتجوز و هياخد اجازة 15 يوم فى مشكلة انك تغطى مكانة يومين ولا حاجة ..... هو بس عاوز يطمن على ده ​ لما تتسأل في انترفيو ويقولك سمعت عن الاسترس اللي عندنا ف الشركة ايه رأيك فيه ؟ المفروض تكون ايه الاجابة الاسترس ده موضوع يتوقف علي الشخص نفسه يعني حد مش عاوز يشتغل بيبقي بالنسباله كارثه. لكن انا حد عاوز يشتغل وينجح فمش هيفرق معايا لان انا اصلا من النوع اللي بيحط نفسه تحت سترس في الشغل وبحاول اعمل اكتر من المطلوب مني لاني انا عاوزه انجح. علشان كدا ميفرقش معايا كلمة سترس لاني من نفسي ممكن اكون بعمل اكتر من اللي بيتطلب مني. انا عاوزه اشتغل وانجح مش اريح واكبر دماغي. وياريت لو عندك example تقوله ك حاجه عملت فيها extra effort ....................... ........................ ........................ لو انت اتزنقت فى التارجت و الشهر خلص منك خلاص ممكن تحرق ؟ طبعا الاجابة المظبوطة انك تقولة لا طبعا مش هاحرق حتى لو انت هاتعمل كدة هيقولك لكن انت اتزنقت خلاص و الشهر بيخلص ؟ تقولة المندوب الشاطر ميستناش لما الشهر يخلص المندوب الشاطر هو اللى يأمن نفسة من الاول طيب لو الدكتور سأل .............. false visit لو صاحبك اللى معاك فى الاريا عرفت انة بيعمل و دى معناها للى ميعرفهاش انة بيكتب اسماء دكاترة فى الريبورت مش بيزورهم يعنى بيغش و دى عقوبتها فى اى شركة الرفد تمام؟ لو قالك بقى انك عرفت ان صاحبك بيعمل كدا .....هاتعرفنى ولا لا ؟ الاجابة اللى هو عاوز يسمعها كلمة واحدة : انك هاتقولة عن صاحبك السؤال دة بقى انا بكرهة جدا جدا جدا جدا جدااااااااااااااااااااااااا لانى انا مقبلتش فى الشركة بسبب السؤال دة لانى جاوبت زى ما يرضى ضميرى و قولتلة : انت بالنسبالك كمدير شايف اننا عارف حاجات عن الشغل و خبتها عنك لكن بالنسبالى انا دى ملهاش غير اسم واحد ( قطع عيش صاحبى من الشركة) انا قولت كدة لان دة فعلا اللى انا هأعملة لو واجهت الموقف دة لكن هو اخدها بمحمل تانى و مقبلنيش مع ان الانترفيو دة كان الفاينل و كنت متصعد لوحدى و دة كان اخر سؤال فى الانترفيو و قالى بالحرف الواحد : حظ سعيد المرة الجاية!!!!! انا الحمد للة ربنا كرمنى بشركة كويسة جدا و اشكر ربنا على الشركة دى بس انا قلت الموقف دة لانى بحط قدامكم ------------------------------ قدامكم الحالتين لو جاوبت كدا و لو جاوبت كدا طيب لو سألنا الدكتور ..........وقالنا شايف نفسك فين بعد 5 سنين من دلوقتى ؟ او ممكن يقولك اية اللى انت ممكن تضيفة للشركة ؟ الاجابة واحدة فى الحالتين : فاكرين لما قولتلكم ان كل سؤال وراة هدف ...الهدف اللى ورا السؤال دة حاجتين 1/ هو عاوز يتأكد انك مش هتسيب الشركة 2/ عاوز يشوف طموحك واصل لحد فين طبعا الاجابة النموذجية انك تقولة انا يا دكتور الحمد للة بحب شغلى جدا و حابب انى اكبر و جوايا طموح غير عادى فشايف نفسى ان شاء اللة هأكبر و اكون سوبرفايزور و بعدين ديستريك عن طريق ارقامى انى اجيب تارجتى و اعمل جروث كويس و اكيد الشركة بتقدر الحاجات دى و بتعرف تختار المتميزيين و ترقيهم .. طيب لو قالك تحب تبقى رأس ذيل زرافة و لا راس غزالة ؟ جاوب انت طبعا شايف انة سؤال اهبل بس صدقونى اتسأل كتير لناس قبل كدة السؤال دة وراة هدف!!!!!!! هو يقصد يقول ( تحب تبقى سوبرفايزور فى شركة بيرسلم ولا مندوب فى شركة كبيرة ؟) ّّ!!!!!!!!!!! انت بقى لو جدع تقولة لا طبعا يا دكتور احب اكون ذيل غزالة طب لية؟ عشان انا لو ذيل زرافة ممكن بعد شوية اكبر و ابقى ظهر الزرافة و بعدين ابقى رقبة الزرافة لحد ما ابقى راس الزرافة لكن لو انا رأس غزالة خلاص مينفعش اكبر تانى سؤال اهبل تانى اية اكتر لون بتكرهة ؟ تقولة مثلا الاحمر يقولك طيب لو قولتلك ان اليونى فورم بتاع شركتنا احمر بنطلون و قميص احمر ؟ هاتعمل اية ؟ هاتلبسة؟ عارفين الهدف اللى ورا السؤال دة اية ؟ هو عاوز يعرف لو ضغط عليك فى الشغل انك تعمل حاجة بتكرهها مثلا تزور دكتور مبتحبوش ؟ تنزل منطقة وحشة مبتحبهاش ؟ الاجابة انك تقولة طبعا هالبس اليونى فورم لان دة شغل مفهوش هزار مفهوش بحبة و بكرهة طيب لو سأل الدكتور............و قالنا على فكرة البدلة اللى انت لابسها دى شكلها مش اوووى لونها تقليدى اية رأيك لو لبست بدلة صفرا مثلا ؟ طبعا حاجة فى منتهى الهبل بالنسبالة بدلة صفرا دانا البس بدلة الاعدام الحمرا و ملبس بدلة لونها اصفر!!!!!!! هو عاوز يشوف هل انت شخص flexable مرن الاجابة النموذجية انك تقولة يا دكتور اشوفها البسها قدام المرايا و اشوف رأى صاحبى مثلا عليها اية ؟ كنت انت بتثبتلة انك not solid man لا شخص مرن ممكن تيجى بالكلام ودى حاجة مطلوبة طبعا فى الشغل ------------------------------------------------------- طيب السؤالين الجايين دول بقى للبنات ممكن يسأل...يقولها لو اتخطبتى و خطيبك قالك تسيبى الشغل هاتعملى اية؟ طبعا الاجابة النموذجية انك توريلة انك عندك شخصية قوية و و تقوليلة انك من الاول هاكون متفقة مع خطيبى على اننا مش هاسيب الشغل و اللى اولة شرط اخرة نور و ازنقية بقى قبل ما يقطع عليكى و قوليلة و لو رجع فى كلامة عن اللى اتفقنا علية يبقى مش دة الشخص اللى يناسبنى لانة طالما رجع فى كلامة فى الصغيرة ..بكرة هايرجع فى كلامة فى الكبيرة طيب لو سأل....لو دخلتى عند الدكتور و عاكسك ؟ طبعا الاجابة معروفة و سهلة انك هاتوقفى الدكتور عند حدة بشخصيتك القوية تعرفى تصدى الدكتور دة او اى حد تانى يفكر يعمل كد السؤالين دول دايما بيتسالوا للبنات

------------------------------------------------- فى سؤال بقى مهم جداااااااااااا لو انت رايح اجتماع فى الشركة و صاحبك حصلتلة حادثة ؟ تروح لصاحبك ولا الشركة؟ طبعا الاجابة المفروض تقولها انك هاتعتذر عن الاجتماع و هاتروح لصاحبك لان دة الواجب و لو قعد يقولك الشركة و الاجتماع اديلة على طول الكلمة دى : قولة ممكن حضرتك تكون مكان صاحبى لا قدر اللة و انا صاحبك تفتكر ممكن تسامحنى لو انا سبتك فى الموقف دة و رحت الشركة على فكرة مش هاينطق بعديها تانى --------------------------------------------------- لو قالك دكتور مش بيكتبلك و كل ما تزورة يقولك بكتب تتصرف ازاى ؟ تقولة يا دكتور احرجة بالذوق اقولة يا دكتور مش مسمع فى الصيدلايات تحت او الشركة عملت ورايا , و قالتلى مش دة مستوى الكتابة بتاع الدكتور فلانFollow up -------------------------------------- 'طيب لو سألك و قالك ان الدكتور اللى بتزورة قالك الدوا بتاعك غالى ترد تقول اية ؟ طبعا تقولة طيب يا دكتور غالى بالنسبة لاية ؟ لو قالى انة ميستحقش السعرلانة مش قوى يعنى فكدة انا محتاج اكلم الدكتور عن الدوا من الاول لكن لو قالى هو كويس بس غالى على المريض ......لا ساعتها بقى هاغير المسج................. طيب يا دكتور هل كل مرضى حضرتك ميقدروش يشتروة؟ ... يقولى لا طبعا مش كلهم اكيد فيهم ناس تقدر...طيب يا دكتور انا عاوز بقى الناس دى و حتى اللى ميقدروش ممكن يشتروة بالشريط يا دكتور ---------------------------------- لو سألك اية اهمية الصيدليات فى الشغل ؟ تقولة / 1/ تتابع منها حركة البيع بتاعتك و تعرف مين الدكاترة الكويسين فى المنطقة 2/ ممكن تعرف منها اللاحتيجات بتاعة الدكاترة 3/ تجمع معلومات عن المنافسين بتوعك 4/ otc ---------------------------------------------------------------- اخيرا فى شوية اسئلة ممكن الواحد يتسألها بس للاسف انا مقدرش اساعدكم فيها لانها بتختلف من شخص للتانى؟ زى اية طبعا لو انت شغال فى شركة هيسألك عن الادوية بتاعتك ؟ الميدكال بتاعها هيسألك عن ال compitatorsليك هيسالك عن اشهر الدكاترة فى منطقتك ؟ ممكن طبعا يسألك تتوقع مرتبك يبقى كام عشان كدة لازم تسأل علية قبل ما تروح ممكن يقولك تعرف اية عن شركتنا ؟ ------------------------------------------------------ طيب اخيرا عاوز اقول حاجتين اولا الكومتى دى عبارة عن اية دة بيكون انترفيو عادى بس مع 3 او 4 او5 و كلهم بيسألوك المهم انك تكون مركز اوى و تبص للدكتور اللى بيسألك و لما واحد تانى يسألك تسيب الاولانى و تركز مع التانى م هكذا متخفش منهم اعتبرة انترفيو عادى بس مع كذا واحد فى حاجة تانية اسمها full day assessment بتتعمل فى الشركات المالتى دى بتكون عبارة عن اية ؟ اولا verbal assessment و دة عبارة عن قطع انجليزى و عليها اسئلة بوقت و فى مواقع كتير ممكن تدربك عليها و بتكون سهلة جدا Numercal assessment و دة اسئلة رياضيات و برضوا بتكون سهلة و اخيرا Iq test او بيسموة اختبار ذكاء و دى زى فوازير كدا بس بيكون سهل اوووووووووووووى.

مينفعش تكون داخل انترفيو دعايا طبيه ومتعرفش ايه ال FB Feature benefit

كتير مننا بيتسأل ممكن تبيع القلم دا ممكن تبيع الكتاب دا ممكن تبيع الدوا دا الفكره من السؤال بتكون ديما استكشاف مهارات البيع والاقناع عندك Selling skills and persuasive skills غالبا هتتسال السؤال دا لو فريشfresh candidate او دا اول شغل ليك لو انت خبره هتتسال السؤال بطريقه advanced شويه

طيب عشان الموضوع يكون مبسط لو قلم احمر فان كونه احمر فدي feature

وكون العميل هيمضي بيه امضا مميزه فدي benefit هتعود علي العميل

الفكره بقه ببساطه انك تفصل ال feature بتاعت المنتج او البرودكت لل benefits الي تناسب احتياجات العميل Customer needs satisfaction

طيب ال customer need هنعرفها ازاي دي بتكون عن طريق ال probing او ال questions وعن طريق ال active listening

طيب افرض العميل معندوش احتياج للمنتج ساعتها هنروح ل خلق الاحتياج او creating need

طيب حط نفسك مكان العميل العميل بيفكر بتفكير واحد ملوش تاني What in it for me(WIIFM rule) انا ايه اللي هيعود عليا من المنتج دا او من الدوا دا يبقي انت لازم تقدم للعميل value تهمه عشان يشتري منك ودا التريند الجديد في عمليه البيع