البوست الشامل والجامع لكل ما يخص تكليف

اولا ألف مبرووووك للصيادله دفعة 2017 التكليف جمعت لحضراتكم هنا تقريبا كل ال ممكن تحتاجوة عن التكليف البوست عبارة عن تجميعة لبوستات او ردود متداولة و منقولة عن بعض الاخوة الزملاء المختصين ف الأعوام الماضية.

مبدئيا تسجيل البيانات هيبقى من يوم 9/6 ليوم 24/6 وبعد كده هتسجلوا رغباتكوا من يوم 9/7 ليوم 24/7 بعدها ب 15 يوم تقريبا وممكن اكثر بتظهر نتيجه التكليف و كل واحد هيعرف هو إتكلف فين بعد كده بيصدر قرار التعيين فى أخر شهر 10 أو أول شهر 11 ان شاء الله

📷👈نبدأ الخطوة الاولى فى مشوار التكليف: 1-تسجيل البيانات : ========== @.....نختار جامعة التخرج @.....ثم تظهر اسماء الطلبة بخانة الاسم فتختار اسمك الرباعى. @......ثم المجموع التراكمى وده بيكون ((المجموع الاعتباري = (المجموع االلي مكتوب في الشهادة /المجموع النهائي للجامعة )*4600 @......ثم يظهر رقم فى خانة رقم الخريج وطبعا بنحتفظ بالرقم ده (لاننا بنستكمل بيه المرحلة التانية الخاصة بتسجيل الرغبات) @.....ثم نختار الجنس - ذكر او أنثى @..... وبعد كده الصيادلة الاناث (المتزوجات ) بتسجل رقم القسيمة وتاريخ قيدها بسجلات الاحوال المدنية @...ثم تسجل تاريخ ميلادك ومحافظة الميلاد ومحافظة السكن والعنوان والرقم القومى واسم الوالدة الرباعى ورقم الهاتف الارضى والمحمول

●المشاكل اللى ممكن تقابلنا وحلها: - اسمك ظهر غلط نعمل إيه!!!! ابعث فاكس بصورة البطاقة وتوضيح نوع الحركة "حركة تكليف الصيادلة 2018" وتوضيح نوع المشكلة "اسم خاطئ" وتوضيح الموبايل والدفعــه والدور والجامعة وكتابة الاسم الخطأ والاسم الصحيح إلى رقم 27942627/02. - اسمك مش موجود!!!! عليك التوجة إلى مكتب التكليف ب 22 ش الفلكي بالقاهرة مصطحباً شهادة التخرج بالدرجات -الجامعات الخاصة بيكون المجموع بتاعهم بالنسب فنحسب المجموع الاعتبارى كالاتى..((النسبة المئوية للنتيجة*46 ))

....والاهم اننا نتاكد من حفظ البيانات قبل الغلق وتسجيل رقم الخريج وفى حالة ضياعه لاقدر الله يمكن البحث عنه بالاسم

وده لينك موقع التكليف اللى هتسجلوا عليه بياناتكم و رغباتكم و هتعرفوا من عليه النتيجه إحفظوه عندكم علشان تتابعوا من عليه

http://mhealth.cu.edu.eg/pharm/Pharmacy.aspx

دا فيديو بيشرح خطوات الاعداد للرغبات بحيث لما يفتح التقديم تعرفو هتتعاملو ازاى ان شاء الله. https://m.youtube.com/watch?v=rS3Xrfx-IqQ

● جاتلى اسئله كتيره بخصوص الرغبات منها ايه الأفضل ف الاختيار او الافضل ف الراحه ف الحضور والانصراف ف موضوع العهد فالدراسات العليا ف الاجازات...

📷▪طبعا مجرد وجة نظر بس التكليف لمدريات الصحة اللي هيه محافظات مثلا زى الدقهليه واللي تحتها الإدارات.. (المراكز يعني مثلا ادارة المنصوره )واللي تحتها وحدات صحيه ف القري والكفور والنجوع تعتبر هيا الأفضل ف كل شيء تقريبا 1-مرتبات أفضل وعهد أقل دا لو استلمت ومفيش زميل وهتستلم عهده... 2-التنقلات سهله جدا منها لأي مكان عكس المستشفيات بيمسكوا دايما فيك عشان مفيش بديل متاح 3- هتقدر تشتغل جنبها سواء ف شركه كويسه part. Or Full time او صيدليه خاصه لأن مرتبات الحكومه لا تتعدي 1850ج ف البداية . فمش هتقدر تعيش كدا 4-الإجازات سهل انك تاخد اجازه بدون مرتب ف اي وقت 5-اقل ف البهدله والتفتيش وأن حد يرخم عليك وحضور وانصراف بالدقيقة زي مثلا مستشفيات التامين وغالبا اكتر حد اعرف انه بيروح الوحده 4ايام دا لو مكان ف شغل جامد 6-تقدر تذاكر وتحضر ماستر او اي حاجه انت عايزها

مستشفياااات التأمين والمستشفيات المركزيه والعام عهدتها كبيره حضور وانصراف غالبا بالبصمه تفتيشات كتيره تعب ومجهود خرافي مهتصدق انك تخلص وتروح البيت بس عشان ترجع شغلك تاني يوم بس ميزتها انها بتبقا ف المحافظه نفسها مواصلات أفضل وزمايل وكدا.. ● لو انت من سكان القاهره ف مستشفيات كتيره تقدر تشتغل وبرضو تتعلم كل اللي انت عايزه لان القاهرة ليها ظروف خاصه انها مفهاش قري ونجوع وكدا زي باقي المحافظات بس اختار الاقرب للبيت والشغل اللي تحبه اللي متحسش فيه بالملل الجهات الخارجيه كويسه لو عايز مكان مثلا جانب بيتك او ليك فيه واسطه. يعني هترتاح شويه مرتب ممكن اعلي

•الخلاصه ان كل مكان بيختلف ع حسب المديرين وظروف العمل وعدد السكان والمواصلات بس دي القواعد العامه اللي معظم الصيادلة عايشين بيها . ..

●من ضمن الاسئلة ال اتكررت الجهات الخارجية فانا هاحاول اساعد بالّي اقدر عليه فى موضوع تكليف الجهات الخارجية و معلومات عنها. مبدايا لو معاك خطاب ترشيح و المكان الّي مرشح ليه مش موجود فى الرغبات يبقى روح مكتب التكليف قبل ما تسجل رغبات و قدم الجواب و هناك هيقولوا لك تكتب ايه فى الموقع.. لو معاك خطاب ترشيح لمكان مكتوب فى الرغبات اختاره كرغبة اولى و املا باقى الرغبات اي حاجة و روح ادارة التكليف قدم الخطاب هناك و استنى النتيجة ●الجهات الخارجية بقى ¤ مراكز الاورام التابعة للامانة : دي مرتباتها اعلى من وزارة الصحة بس شغل طحن و هتتعلموا بجد بس الغلطة بحساب و متخصص فى الاورام بس لذلك انت ممكن تشتغل فى الكلين روم او غرفة تحضير الكيماوي و فى الصرف و كلنكال طبعا على حسب شغلك و كفائتك و شهاداتك ¤ مراكز الكبد و القلب دي برده مرتبات اعلى من وزارة الصحة بس شغل صرف ادوية فى الغالب بس و برده الشغل طحن ¤ مستشفيات الامانة عموما بعيدا عن الاورام دى برده مرتبات اعلى من وزارة الصحة و فيها شغل من جميع الانواع هتدرس جودة هتشتغل مع الوقت جودة هتدرس بورد تغذية هتشتغل نيوترشن هتدرس كلنكال هتشتغل و هكذا ¤ المؤسسة العلاجية بالقاهرة دي مجموعة مستشفيات شغلها طحن بس مرتباتها اقل من وزارة الصحة حاجة بسيطة و ما اوصيش بيها الا فى اخر الرغبات لان مافيهاش ميزة اوي.. ¤ مستشفيات الهيئة العامة للمستشفيات و المعاهد التعليمية دي طحن شغل و اقل من مرتبات وزارة الصحة بحوالى 200 جنيه ¤ ابتعد عن المعهد القومي للاورام و التغذية طحن شغل و مرتب 1500 جنيه و معاملة مش كويسة ¤ اي مستشفى مكتوب جنبها جامعة كذا يسري عليها نفس نظام التابع للمعاهد التعليمية الّي كاتلها فوق ¤ اي حاجة جنبها الادارة المركزية هيبقى مكان نضيف المعاملة حلوة مرتب اعلى من وزارة الصحة بحوالى 200 جنيه بس شغل و عمل ادارى رقم واحد و تفتيش رقم اتنين ¤ الامانة الصحة النفسية زي مستشفيات الامانة الى قلتها فوق ¤ هيئة الانسجة و البيولوجيا الجزيئية اول مرة ينزل من فترة شغل ميكرو و بيو كيمستري و حلو بس مرتب 1600 و شغل كل يوم ¤ هيئة الرقابة و البحوث ( نودكار ) و هيئة الرقابة على المستجضرات الحيوية ( نوريبسبي ) شغل بحثي و تحليلي رقم واحد انما طحن و هتروحوا 5 ايام انما هتسجلوا ماستر بالترتيب الاقدم فالاجدد و حلو لاي حد عايز شغل بحثي 📷✖التامين الصحي زفت و راتب اقل من وزارة الصحة ببتاع 400 جنيه طحن و معاملة وحشة

■ خريج صيدلة اللي دخل الجيش له حفظ وظيفة بإثبات التجنيد وصورة كارنيه الجيش ويقدمه في المديرية اللي اتكلف عليها

■ ال مسافرة برة مصر السنة ال فاتت كانو بيقدرو يقدمو رغباتهم عادى جدا اونلاين وحتى لما اضافت ادارات جديدة وبقى فية تعديل والناس كانت بتروح المديرية تعدل بنفسها كان ممكن الوالد هو ال يروح يعدلك الرغبات . وحتى لما النتيجة ظهرت مش شرط تنزلى مباشرة وقت استلام التكليف .. اى وقت براحتك . بس طبعا كل ما يبقى استلامك بدرى يكون أفضل.

■ الناس ال لسة مستلمتش وبتسأل عن نظام الاجازات . ع كلا أنواع الأجازات: وانتي على قوة العمل للصيدلي المكلف الجديد أول سنة ١٥ يوم اعتيادي ٧ أيام عارضه

الأجازات الاعتيادي تقدم قبل الحصول عليها ويكون موقع من صيدلي قائم بالعمل في خلال فترة الأجازة ممكن أسبوع متواصل ولكن أكثر من ذلك لازم موافقة وكيل الوزارة

الأجازة العارضة تقدم بعد الغياب الاضطراري ولازم تبليغ مديرك بالغياب عشان يوافق على التوقيع عليها حتى لا تحتسب انقطاع عن العمل وتحويل للشئون القانونية وجزاء وخصم من المرتب

أجازة وضع ٤ شهور وجوبية للصيدلانية الحامل من تاريخ ميلاد المولود مدفوع لها المرتب بالكامل والحوافز والتقييم

أجازة رعاية الطفل مدتها ٦سنوات كاملة في حياتك الوظيفية الزامية الحصول عليها وليس عليها تأمينات ومينفعش تسجلي مدير

أجازه رعاية الأسرة لازم بتقرير من القوميسيون إنه محتاج الى رعاية ويدفع عليها تأمينات ومينفعش تسجلي مدير

أجازة تحسين دخل بالداخل لازم موافقة المدير ووجود بديل للعمل تدفع عليها تأمينات وممكن تسجلي مدير

أجازة تحسين دخل بالخارج لازم يكون في عقد عمل بالخارج الموافقة عليها ليست الزامية بس لازم توفير بديل عليها تأمينات بالدولار ومينفعش تسجلي فيها مدير

أجازة مرافقة زوج الزامية من تاريخ تقديم الطلب عليها تأمينات ومينفعش تسجلي مدير

أجازة زواج مدتها ٦ شهور كحد أقصى ليست الزامية حسب موافقة جهة العمل عليها تأمينات مرة واحدة فقط في العمر الوظيفي

أجازة سياحة للخارج أقصى مدة ٦ شهور عليها تأمينات بالدولار

أجازة عمرة أو حج أقصى مدة شهر عليها تأمينات مرة واحدة فقط في العمر الوظيفي