ورق اللي هاتستلموا بيه التكليف

أولا مبروك تسجيل الرغبات وإن شاء الله كل واحد يروح المكان اللي عايزه المفروض الفترة الجاية بقى تبدأو خطوة تجهيز ورقكم اللي هاتستلموا بيه التكليف طبعا لسة فترة كبيرة بس اتسلوا فيه من دلوقتي تكون حاجتكم جاهزة للاستلام على طول الورق المطلوب منكم بقى:- -أول حاجة شهادة التخرج للجامعات الحكومية والخاصة عايزة تخرج ومعادلة معاها -ترخيص مزاولة المهنة دا اللي اخدتوه مع كارنيه النقابة -عدد 6 صور شخصية وخدوا بزيادة برده احتياطي -شهادة ميلاد كمبيوتر واللي مش معاه بتطلعها من السجل المدني وانت واقف -فيش وتشبيه ودا بتعمله من مركز الشرطة التابع ليه بتاخد معاك صورة البطاقة وأنت رايح وصورة شخصية وحوالي 20 جنيه الفيش دا تعمله موجه لوزارة الصحة ودا بياخد وقت من يوم ل أسبوع على حسب المكان -الرقم التأميني ودا بتجيبه من التأمينات والمعاشات اللي أنت تابع ليها وأنت واقف برده هاتاخده بيبقى بالبطاقة الشخصية وشهادة الميلاد برده -هاتروح البريد ودا بتجيب منه حاجتين أول حاجة بتجيبها 6 دمغات فئة جنيه ودمغات مش طوابع فيه فرق بينهم ولو ملقتش فئة جنيه عادي بيبقى فيه فئة 90 قرش و 10 قروش المهم تجيب ب 6 جنيه دمغات وخلاص وطبعا ميضرش لو جبت بالزيادة علشان لو حصل ظروف تاني حاجة تجيبها من البريد حاجة اسمها إقرار ذمة مالية هاتقوله هناك كدا هايعطهولك علطول هو بيبقى عبارة عن ورقتين فيهم بيانات بتتملى تسيبهم زي مهما كدا متجيش ناحيتهم وبيبقى بحوالي 3 جنيه تقريبا -بعد كدا حاجة اسمها نموذج كشف طبي دا بتجيبه من أي مستشفى تأمين صحي وكان بحوالي 15 جنيه -صورة البطاقة الشخصية -ملف تعيين حكومي ودا من أي مكتبة بتشتريه بس السنة اللي فاتت بعد مااشتريناه لقيناه في المديرية بيعطوه لينا بس اشتروه احتياطي متضمنوش الظروف برده -بالنسبة للأولاد إثبات تجنيد للمجندين أو شهادة إعفاء أو شهادة تأدية الخدمة -بالنسبة للمتزوجات قسيمة الزواج بس مش عارفة هاياخدوها هناك ولا لا بس خدوها احتياطي دا تقريبا كل الورق المطلوب طبعا وانتم رايحين تقدموا تكون مصور من كل أصل ورقة صورتين ولا حاجة يمكن يحتاجوا صور مع الأصل ملحوظة:كل واحد ياخد قلم معاه وهو بيقدم لأن هاتفضلو تكتبوا حاجات كتير ومش هاتلاقوا أقلام

---

............. (( الاوراق المطلوبة لاستلام التكليف )) ..............

اولاً : البيــــت ------------------ 1- اصل شهادة البكالوريوس ( في حالة الجامعات الخاصة مطلوب : أصل الشهادة البكالوريوس + أصل شهادة المعادلة بالعربي ) 2 - شهادة الميلاد كمبيوتر ( أصل ) + صورة منها 3 - ترخيص المزاولة (أصل ) + صورة منها 4 - صورة الرقم القومي 5 - 6 صور شخصية 4 * 6 6- موقف الصيدلي من التجنيد ( أصل ) اثبات التجنيد للمجندين أو شهادة أعفاء أو شهادة تأدية الخدمة

ثانيا : مكـــــتب البـــريد ------------------------------ 7 - قرار الذمه الماليه 8 - 6 دمغات فئه واحد جنيه 10 – نموذج الكشف الطبى ( استمارة 111 ) او من مستشفى التأمين الصحى .. ملحوظة .. شراء استمارة 111تامين صحى من اى مستشفى او عيادة تامين صحي . ملأ بياناتها بمعرفة جهة العمل ولصق صورة شخصية للصيدلى عليها وختم الاستمارة ثلاث اختام ..ختم على البيانات وختم عالصورة وختم على الاقرار الاسفل والذى يوقع عليه الصيدلى . ثم تتصل برقم 19806المطبوع على الاستمارة وتجيب على طلب المتلقي للاتصال من املاؤه الاسم و الرقم القومى كاملا و جهة العمل ودا بيكون اثناء الاستلام ..

ثالثا : التأميـــنات والمعـــاشــــات ------------------------------------------ 11 - الرقم التأمينى مختوم من التأمينات الاجتماعية التابع لها

رابعا : القســـم ------------------ 12 - اصل صحيفة جنائية( فيش وتشبيه ) موجهه الى مديرية الشئون الصحية متقرن باسم المحافظة على سبيل المثال ( مديرية الشئون الصحية بالقاهرة ) او على حسب الجهة الخارجيه اللى هتتكلف عليها ( بعد اعلان النتيجة )

خامسا : المكــــتبة ---------------------- 13 - ملف تعين حكومى (نتأكد ان فيه نموذج 103 و 105 )

...................(( بالتوفيـــــــــــق ان شاء الله ))...................

نموذج الكشف الطبى ( استمارة 111)

الفيش

الدمغات

---

مسوغات التعيين ال هتحتاج تكون معاك و تجيبها منين :- خلوا بالكم 👉👉

1- شهادة التخرج المؤقتة (اصل) * بتحصل عليها من الجامعة بتاعتك

2- ترخيص مزاولة المهنة (اصل) * بتستلم منه 3 اصول لما تعمل ريجاستريشن في النقابة وتقدر بعد كدا تطلع منه تاني من امانه التراخيص الطبية في الوزارة او من النقابة العامة بتعملهولك من هناك برسوم

3- موقف التجنيد للذكور * طبعا كان يوم عيد لما حصلت عليها وزمانك عاينها جوا عنيك سواء اعفا او تاديه خدمة

4- شهادة الميلاد كمبيوتر (اصل) * من السجل المدني التابع له او مشروع الرقم القومي

5- فيش جنائي موجه لوزارة الصحة او لجهة عملك ال بانت لك ف الرغبات لو هتعمله بعد النتيجة ما تبان ودا الاحسن لانه مؤقت بعد 60 يوم بيكون اكسباير وتحتاج تعمل غيره * تعمله من قسم الشرطه التابع لك او اي قسم شرطة عموما

6- إقرار الذمة المالية * هتشترية من اي مكتب بريد وهتملاه وقت الاستلام بمساعدة موظف الشئون الماليه ف جهة عملك

7- كشف قمسيون طبي من القمسيون التابع لمحافظتك للمديرية * من مستشفي التامين الصحي في محافظتك بتشتري استمارة الكشف الطبي.. وترفق فيها صورة شخصية وتروح للمديرية ال جهة عملك بعد ظهور النتيجة لان مش هيتختم لك قبل ظهورها و وصول القرارات وتختم علي الاستماره وتكلم الرقم ال ف اخر الاستماره تحجز معاهم معاد للكشف وبعدها بتختم بختم التامين الصحي الكشف دا ( باطنة و نظر و عظام و تحليل مخدرات) سعره 80 ج لو هتروح من غير حجز تليفوني سعره 120 ج لو هتروح بمعاد مسبق بحجز تليفوني... وهو لا يعوق استلام العمل يعني ممكن تستلم من غيره بس احنا بنخلص كل الاوراق مع بعضها .

8- ملف مسوغات التعيين * من اي مكتبة كبيرة هتلاقيه متاح بيتباع بمحتوياته

9- عدد 12 دمغة فئة 1 جنية زرقاء اللون صورها في المرفقات وعدد 6 طابع فئة 90 قرش صورها برضو في المرفقات * من اي مكتب بريد

10- عدد 5 صورة شخصية

11- صورة البطاقة + الاصل (للاطلاع)

12- برينت الرقم التاميني هتحتاجه عموما بعد كدا واكته علي ضهر شهادة الميلاد الاصل * من مكتب التامينات والمعاشات التابع له او البريد في منطقتك

🔸 وعند الاستلام في الادارة بالنسبة (للذكور المتزوجين) - صورة وثيقة زواج. - صورة شهادة ميلاد الابناء عشان لهم اضافة تانيه في الراتب زياده عن الغير متزوج

🔹 وعند تقديم الاوراق اعملوا صورة طبق الاصل من الكمسيون الطبي ✔️ علشان تقدم بيها علي دفتر التامين الصحي الجديد بدون ما تروح تعمل كمسيون طبي تاني من اول وجديد لو كنت حابب تقدم عليه