من اكتر الاسئله اللي بتجيلي او بيتعملي عليها منشن هوا موضوع📷💑 **المتزوجات ** وانا بقالي ٣شهور برد نفس الاجابات فعلشان كده حكتب بوست منفصل واتمنى بعدها اللي تسال ومشافتش البوست حد من زميلاتها يعملها منشن على البوست ده او اللي يقدر يرد يساعد ياريت
📷💑اولا اللي كانت متزوجه عند تسجيل الرغبات وسجلت خلاص لازم تعمل خطوتين مهمين : ١- ترفع اصل القسيمه على الموقع والبطاقه ٢- بتسلم اصل القسيمه المميكنه وصوره البطاقه وصوره شهاده التخرج لاداره التكليف العنوان (٩ ش عماد الدين امام سينما كوزموس وسط البلد القاهره) أي حد يقدر يسلمها مش لازم بنفسك والمفروض كله يكون عمل كده يعني مفيش خطوه تغني عن التانيه
📷🙋♀️📷🙋♀️ اللي مسلمتش القسيمه للاداره اخر ميعاد عند غلق باب الرغبات 📷🙋♀️📷🙋♀️
واللي معرفتش ترفعها تاخد الصوره اسكانر وتحاول ترفعها تاني
📷💑بالنسبه للمتزوجات بعد غلق باب التسجيل يعدلوا حالتهم مع فتح باب الرغبات ويعملوا نفس الخطوتين اللي فوق بالظبط
📷👌المكان اللي حتكتبه المتزوجة حيجيلها عليه بغض النظر عن عنوان بطاقتها او القسيمه📷👌
📷💑اللي لِسَّه حتتجوز بعد غلق باب الرغبات وجالها مكان غير محافظه الزوج او المكان اللي حتقيم فيه لما اسمها ينزل تروح تقدم تظلم في فتره التظلمات
لان لو استلمتي في مكان حيبقى صعب شويه تنقلي منه لان لازم موافقه الجهتين او تستني سنه وتعملي تعديل تكليف لمكان السكن 📷✈️لو مسافره بره محدش يقدر يستلم التكليف مكانك حتى لو بتوكيل
📷🙋♀️لازم التسجيل ببطاقه ساريه ومش مهم عنوان البطاقه ولا القسيمه(العنوان اللي حتكتبيه حيجيلك عليه التكليف)
اللي بيسألوا امتى ميعاد الاستلام علشان ظروف السفر زي ماانتم شفتوا مفيش ميعاد كان صح من بدايه التسجيل من الاخر محدش يقدر يتوقع الاستلام امتى
لكن السنه اللي فاتت استلموا على منتصف ١١
طيب اللي مش حتعرف تنزل لما اسمها ينزل معاك لغايه٣ شهور تستلمي التكليف
ومن تاني يوم تقدري تقدمي على اجازه مرافقه زوج
Comments