كل مايخص تسجيل الرغبات والتكليف والمرتبات

ماهى الجهات التي يتم تكليف الخريجين لديها📷✋ ؟؟ 1- الإدارات الصحية التابعة لمديريات الشئون الصحية بالمحافظات ( ودى زى الوحدات الصحيه و المستشفيات العامه ) . 2- الهيئات والجهات الخارجيه الأخري ( زى مستشفيات الجامعه و المستشفيات التخصصيه و التأمين الصحى والجهات الإداريه زى المركز القومى للبحوث و غيرها كتير هنذكره دلوقتى ) .

وتنقسم جهات التكليف الى : 📷👇📷👇📷👇📷👇📷👇📷👇📷👇📷👇📷👇📷👇📷👇📷👇

1 ) اماكن لا تحتاج طلب ترشيح وهى مديريات الشئون الصحية بجميع المحافظات و الهيئات العامة للتأمين الصحي بجميع المحافظات .

2 ) اماكن تحتاج إلى خطاب ترشيح و وجود درجة وظيفية خالية: خطاب ترشيح يعني خطاب وارد من الجهة التي ترغب في أن يتم تكليفك فيها يفيد بموافقة تلك الجهة بتكليفك هناك ويتم تقديم جواب الترشيح بعد انتهاء مرحلة الرغبات وظهور النتيجة فنقدمه فى التظلمات !!! يعني مثلاً لو رغبت في أن يتم تكليفك على الهيئة القومية للرقابة و البحوث الدوائية ( مثلاً ) ، يبقى لازم تروح الأول للهيئه القوميه للرقابه و البحوث الدوائيه وتقدم فيها ولازم هما يوافقوا الاول وتاخد منهم جواب ترشيح (جواب موافقه يعنى ) وتقدمه فى إدارة التكليف . والأماكن دى ملهاش دعوه بالرغبات و من الأخر بتحتاج واسطه .

طب أيه هى الأماكن دى : اماكن تحتاج إلى خطاب ترشيح و وجود درجة وظيفية خالية : 1) مستشفيات الجامعة : القاهرة ، عين شمس ، الإسكندرية ، أسيوط ، الأزهر ، المنيا ، الفيوم ، جنوب الوادي ، المنوفية ، حلوان ، قناة السويس ، بني سويف ، المنصورة . 2 ) الشركة القابضة للأدوية . 3 ) الإدارات الطبية بالجامعات . 4 ) معهد البحوث الطبية جامعة الإسكندرية . 5 ) المؤسسة العلاجية بالقاهرة و القليوبية و الإسكندرية . 6 ) الهيئة القومية للرقابة و البحوث الدوائية . 7 ) المركز القومي للبحوث . 8 ) أكاديمية البحث العلمي . 9 ) الشركة القابضة للأمصال و اللقاحات . 10)هيئة الطاقة الزرية 11 ) وزارة الدفاع ( موافقة وزير الدفاع ) . 12 ) وزارة الداخلية ( مستشفى الشرطة ) . 13 ) وزارة التعليم العالي . 14 ) مركز المقاولون العرب . 15 ) مستشفى مصر للطيران . 16 ) مستشفى هيئة النقل العام . 17 ) مستشفى سكك حديد مصر . 18 ) المعهد القومي للأورام . 19 ) شركة مصر للغزل و النسيج بالمحلة الكبرى . 20 ) شركة النصر للغزل و النسيج بالمحلة الكبرى . 21 ) شركة دمياط للغزل و النسيج . 22 ) شركة مصر للصباغى البيضا . 23 ) شركة الغزل للحرير الصناعي بكفر الدوار.

طب ايه الأماكن الحلوه و الأماكن اللى لازم تبعد عنها :

نصيحه لله إبعدوا عن مستشفيات الجامعه ومستشفيات التأمين الصحى دول أسوأ حاجه وشغلهم كتير جدا و فيه نبطشيات يعنى مش هتعرف تشتغل حاجه جنبه و مش هيناسب البنات غير انك مش هتعرف تعمل منه اجازه تحسين دخل لو حبيت تسافر إلا بطلوع الروح .

طب ايه أفضل الأماكن : 1- الإدارات الصحية التابعة لمديريات الشئون الصحية بالمحافظات ( ودى زى الوحدات الصحيه و المستشفيات العامه ) ودى مميزاتها كتير يعنى شغلها خفيف جدا و ووقت ما تحب تعمل أجازه بتعملها بسهوله جدا و فى أغلب الوحدات مش كلها بتقسم الأيام أنت و اللى شغال معاك و بتروح يومين او تلاته بس . فيه حاجه كمان عايز أقولها مديريات الشئون الصحيه نوعين : - مناطق عاديه : زى محافظتك أو اى محافظه جانبك و دى المرتب فيها بيبقى من ( 1900 - 2000 جنيه ) - مناطق نائيه : يعنى مناطق بعيده زى جنوب و شمال سيناء - مرسى مطروح - الصعيد و أسوان - حلايب و شلاتين - السلوم ودى بيبقى المرتب فيها بيقى الضعف أو أكتر و الأجازات فيها بتبقى فى الغالب 15 يوم أجازه و 15 يوم شغل و فيه ولاد كتير بيحبوا يروحوا الأماكن دى علشان مرتبها أفضل و أجازاتها أفضل و خصوصا جنوب سيناء و البحر الاحمر و أسوان علشان يتفسحو 📷=D .

2- بعض الجهات الخارجيه مش كلها طبعا زى : - الهيئة القومية للرقابة و البحوث الدوائية . - المركز القومي للبحوث . - أكاديمية البحث العلمي . - الشركة القابضة للأمصال و اللقاحات . - مستشفى مصر للطيران . وغيرها كتير إسألوا إنتوا بقى عليها . ودى المرتب فيها بيختلف من جهة للتانيه .

طبعا مجرد وجة نظر بس التكليف لمدريات الصحة اللي هيه محافظات مثلا زى الدقهليه واللي تحتها الإدارات.. (المراكز يعني مثلا ادارة المنصوره )واللي تحتها وحدات صحيه ف القري والكفور والنجوع تعتبر هيا الأفضل ف كل شيء تقريبا : 1-مرتبات أفضل وعهد أقل . 2-التنقلات سهله جدا منها لأي مكان عكس المستشفيات بيمسكوا دايما فيك عشان مفيش بديل متاح. 3- هتقدر تشتغل جنبها سواء ف شركه كويسه part. Or Full time او صيدليه خاصه لأن مرتبات الحكومه لا تتعدي 2000 جنيه ف البداية . فمش هتقدر تعيش كدا . 4-الإجازات سهل انك تاخد اجازه بدون مرتب ف اي وقت . 5-اقل ف البهدله والتفتيش وأن حد يرخم عليك وحضور وانصراف بالدقيقة زي مثلا مستشفيات التامين وغالبا اكتر. حد اعرف انه بيروح الوحده 4ايام دا لو مكان ف شغل جامد. 6-تقدر تذاكر وتحضر ماستر او اي حاجه انت عايزها .

مستشفياااات التأمين والمستشفيات المركزيه والعام عهدتها كبيره حضور وانصراف غالبا بالبصمه تفتيشات كتيره تعب ومجهود📷😔📷🤒📷😷📷🤕 خرافي مهتصدق انك تخلص وتروح البيت بس عشان ترجع شغلك تاني يوم بس ميزتها انها بتبقا ف المحافظه نفسها مواصلات أفضل وزمايل وكدا..

●من ضمن الاسئلة ال اتكررت الجهات الخارجية 📷🤔📷🤔 فانا هاحاول اساعد بالّي اقدر عليه فى موضوع تكليف الجهات الخارجية و معلومات عنها. مبدايا لو معاك خطاب ترشيح و المكان الّي مرشح ليه مش موجود فى الرغبات يبقى روح مكتب التكليف قبل ما تسجل رغبات و قدم الجواب و هناك هيقولوا لك تكتب ايه فى الموقع.. لو معاك خطاب ترشيح لمكان مكتوب فى الرغبات اختاره كرغبة اولى و املا باقى الرغبات اي حاجة و روح ادارة التكليف قدم الخطاب هناك و استنى النتيجة .

●الجهات الخارجية بقى :📷👉📷👉 ¤ مراكز الاورام التابعة للامانة : دي مرتباتها اعلى من وزارة الصحة بس شغل طحن و هتتعلموا بجد بس الغلطة بحساب و متخصص فى الاورام بس لذلك انت ممكن تشتغل فى الكلين روم او غرفة تحضير الكيماوي و فى الصرف و كلنكال طبعا على حسب شغلك و كفائتك و شهاداتك .

¤ مراكز الكبد و القلب دي برده مرتبات اعلى من وزارة الصحة بس شغل صرف ادوية فى الغالب بس و برده الشغل طحن .

¤ مستشفيات الامانة عموما بعيدا عن الاورام دى برده مرتبات اعلى من وزارة الصحة و فيها شغل من جميع الانواع هتدرس جودة هتشتغل مع الوقت جودة هتدرس بورد تغذية هتشتغل نيوترشن هتدرس كلنكال هتشتغل و هكذا .

¤ المؤسسة العلاجية بالقاهرة دي مجموعة مستشفيات شغلها طحن بس مرتباتها اقل من وزارة الصحة حاجة بسيطة و ما اوصيش بيها الا فى اخر الرغبات لان مافيهاش ميزة اوي..

¤ مستشفيات الهيئة العامة للمستشفيات و المعاهد التعليمية دي طحن شغل و اقل من مرتبات وزارة الصحة بحوالى 200 جنيه .

¤ ابتعد عن المعهد القومي للاورام و التغذية طحن شغل و مرتب 1500 جنيه و معاملة مش كويسة .

¤ اي مستشفى مكتوب جنبها جامعة كذا يسري عليها نفس نظام التابع للمعاهد التعليمية الّي كاتلها فوق .

¤ اي حاجة جنبها الادارة المركزية هيبقى مكان نضيف المعاملة حلوة مرتب اعلى من وزارة الصحة بحوالى 200 جنيه بس شغل و عمل ادارى رقم واحد و تفتيش رقم اتنين.

¤ الامانة الصحة النفسية زي مستشفيات الامانة الى قلتها فوق .

¤ هيئة الانسجة و البيولوجيا الجزيئية اول مرة ينزل من فترة شغل ميكرو و بيو كيمستري و حلو بس مرتب 1600 و شغل كل يوم .

¤ هيئة الرقابة و البحوث ( نودكار ) و هيئة الرقابة على المستجضرات الحيوية ( نوريبسبي ) شغل بحثي و تحليلي رقم واحد انما طحن و هتروحوا 5 ايام انما هتسجلوا ماستر بالترتيب الاقدم فالاجدد و حلو لاي حد عايز شغل بحثي.

📷✖التامين الصحي زفت و راتب اقل من وزارة الصحة ببتاع 400 جنيه طحن و معاملة سيئه.

■ ال مسافرة برة مصر 📷🎒📷🛍📷💼📷🛩📷✈ السنة ال فاتت كانو بيقدرو يقدمو رغباتهم عادى جدا اونلاين وحتى لما اضافت ادارات جديدة وبقى فية تعديل والناس كانت بتروح المديرية تعدل بنفسها كان ممكن الوالد هو ال يروح يعدلك الرغبات . وحتى لما النتيجة ظهرت مش شرط تنزلى مباشرة وقت استلام التكليف .. اى وقت براحتك . بس طبعا كل ما يبقى استلامك بدرى يكون أفضل.

هنتكلم بقي علي كيفية تسجيل الرغبات :📷✋📷✌📷👀📷👀 تستمر 15يوم والدخول يكون 📷👈برقم الخريج و الرقم القومي📷👉 و تسجيل الرغبات مع ما يلي من خطوات: =الخطوة الأولى:التأكد من صحة البيانات الشخصية📷✋📷👍 =الخطوة الثانية: إضافة الرغبات و إعادة إدخال الرقم القومي و رقم الخريج إضافة الأدارات الأصلية إلغاء الإدارات الإبدال بين الإدارات =الخطوة الثالثة:الحفظ والطباعة =الخطوة الرابعة:إستعراض الرغبات بعد الحفظ و الطباعة... -- قم بطباعة البيان الخاص بالرغبات التي قمت بإدخالها سيعطيك الموقع رقماً للأيصال و بياناً بالتوقيت الذي تمت فيه العملية بعد إتمام عملية التسجيل لتكليف الخريجين يمكن البدأ في التسجيل للرغبات الأختيارية عن طريق الزر الخاص بذلك . وعلى فكره تقدر تعدل فى الرغبات براحتك طول مافترة تسجيل الرغبات لسه مفتوحه.

بخصوص تكليف الناس اللى عندها جيش📷👮📷👮

هتقدم عادى جدا و هتمشى فى كل الخطوات زى الناس و وقت إستلام التكليف هتجيب ورقه إسمها اثبات تجنيد من وحدتك اللى بتخدم فيها و هتوديها للمكان اللى هتتعين فيه و هما هيعملولك حفظ وظيفه

لا يوجد تقديم يدوى!! - لا يوجد شىء اسمه تاجيل التكليف والتوزيع بيبقي طبقا للمجموع الاعتبارى ولا يوجد توزيع جغرافى.

اللي يعرف جهات خارجيه كويسه يكتبها في comment علشان الكل يستفيد.

دي صور للحوافز و البدلات للمناطق النائيه .