لكل حد عاوز يبدأ في مجال الـ Digital Marketing ومش عارف يبدأ إزاي ويتعلم إيه ويشتغل بعدها إزاي

______________________________________ إيه هو الديجيتال ماركتينج ببساطة؟ - - هو تسويق أي حاجه (خدمة أو منتج أو شركة.. إلخ) عن طريق الإنترنت - الديجيتال ماركتينج هو الـ Umbrella الكبيرة اللي بتضم أقسام كتير جدا من التسويق من خلال الإنترنت وإيه هى أقسام الديجيتال ماركتينج؟ - Social Media Marketing (SMM) وده يعني التسويق عن طريق منصات أو الـ Platforms الخاصة بمواقع التواصل الإجتماعي زي (فيسبوك وإنستجرام وتويتر وسناب شات ولينكد إن.. إلخ) -Search engine marketing (SEM) وهو ببساطة إنك بتسوق شغلك عن طريق اعلانات جوجل سواء كانت الاعلانات هتظهر على ويب سايت او يويتوب او حتى اعلان في جوجل سيرش عن طريق Google Adword والمعروف حاليا بـ Google Ads ودي زي منصه عاملاها جوجل لأصحاب الأعمال اللي حابين يعملوا اعلانات مع جوجل لشغلهم Branding: إنك بتعمل إسم أو بتشهر شركة أو مكان معين أو أي حاجه بتتقدم وتخلي ليها قاعدة جماهيريه عندها ولاء ليها، البراندينج له أكتر من طريقه وأولها إنك بتختار ألوان معينه لشركتك ولوجو وسلوجان وبتختار القيمة اللي هتديها لجماهيرك عشان يكون عندهم ولاء ليك مش مجرد إنك بتسوق لمنتج أو خدمة، إنت كمان لازم تقدملهم قيمة أو تعلمهم حاجه أو تقدملهم معلومة وهى ما يطلق عليها قيمة أو Value -Search Engine Optimization (SEO) تحسين أو تهيئة محركات البحث.. يعني إيه؟ يعني لما تيجي تعمل سيرش بإسم أي حاجه على جوجل بتلاقي مواقع معينة طالعه أول نتايج في السيرش اللي انت عملته المواقع دي بتهيئ نفسها عن طريق كلمات مفتاحيه مميزه ومحتوى مميز يخليها تظهر رقم واحد في السيرش لما انت تعمل سيرش. -Content Marketing (CM) وده كتابة المحتوى وبينقسم لجزئين فيه ناس بتكتب محتوى للسوشيال ميديا بس يعني دوره يشتغل كتابة محتوى على السوشيال ميديا بس وفيه ناس بتشتغل Content Creators أو كُتاب محتوى على بلوج أو ويب سايت والمحتوى طبعا بيكون طبقا لخطة واستراتيجية محطوطه للمنصه اللي هو بيشتغل عليها والمنتج او الخدمة -E-mail Marketing: وده التسويق عن طريق الإيميل، لما بتسجل دخول في أي موقع مش دايما بيجيلك ايميلات بكل حركه او اكشن عملتها على الموقع ده زي فيسبوك مثلا لما بتضيف حد او بتكتب بوست او حد بيبعتلك ادد او بيعملك كومنت، ده التسويق عن طريق الإيميل Copywriting: كتابة الإعلانات، وده بيحتاج إنك تكون بتعرف تكتب سيناريو وشخص بتفكر ومبدع عشان الفكرة والصياغه هما اهم حاجه في المجال ده بعد ما تتعلم أسس الماركتينج دي ببساطة مجالات الديجيتال ماركتينج يلا بينا ندخل على وظايف الديجيتال الماركتينج واسم ووظيفه كل وظيفه؟ يلا بينا إيه هى وظايف الديجيتال ماركتينج؟ -Social Media intern وده الشخص اللي بيكون عنده باكجراوند في السوشيال ميديا الماركتينج او معندوش وحابب يتعلم فهيلاقي شركات كتير بتقدم Internships أو تدريب في المجال، فيه شركات بتقدم ده بمقابل مادي وفيه شركات لا، بس صدقني في الأول مش مهم الفلوس على قد ما مهم تتعلم وتجمع خبره، وفي التدريب ده هتتعلم كل حاجه وهتشتغل كل حاجه فمفيش وظيفه محدده ليك تعملها في التدريب -Social Media Junior وده بيكون شخص عنده خبره من 0 سنه لحد سنه في مجال السوشيال ميديا ماركتينج وبيكون لسه في البداية وبيشتغل وسط تيم -Social Media Specialist وده بيكون الليفل الأوسط من الخبره في مجال السوشيال ميديا ماركتينج من سنه لحوالي 3 سنين Social Media Moderator: وده حد بتكون خبرته من 0 إلى ما لا نهاية بتكون كل شغلته إنه بيرد على المسدجات والكومنتات او التويتس على أي منصة سوشال ميديا Social Media Ad Specialist وده حد بتكون خبرته بداية من سنتين وبتكون كل شغلانته إنه بيعمل إعلانات لمحتوى الشركة على السوشال ميديا Social Media Executive وده الراجل اللي بيعمل كل حاجه بإيده وبيكون فوقيه مدير بيعلمه او بيديله تاسكات واكبر واكتر منه في الخبره -Senior Social Media Specialist وده بيكون ليفل متقدم شويه في السوشيال ميديا ماركتينج وغالبا بيكون فيه حد بيشتغل معاه Junior او بيكون مشرف على تيم لكن مش مدير وخبرته بتبدأ من أكتر من 3 سنين لحد 5 سنين -Social Media Manager\Director وده ليفل الوحش في السوشيال ميديا ماركتينج وده بتكون خبرته اكتر من 5 سنين وبيدير فريق كامل intern\Junior\Senior Content Creator: وده كاتب محتوى زي ما قولنا للسوشيال ميديا او المواقع او البلوجز سواء متدرب أو مبتدئ أو خبره وبيكون عنده خلفيه كبيره عن الماركتينج لإن ده الأساس بتاع شغله Creative Director وده نفس ليفل الـ Manager بس ده خاص بالمحتوى والأفكار اكتر وساعات بيتسمى Manager يعني الـ Creative Director هو مدير فريق برضو بس فريق ناس من كاتبين المحتوى او كاتبين الإعلانات Digital Marketing Junior\Specialist\Executive\Manager نفس سنين الخبره في الوظايف اللي فوق بالترتيب بس الفرق إن الـ Digital غير الـ Social زي ما قولنا فوق لإن الـ Social جزء من الـ Digital فاللي بيشتغل Digital بشكل كامل بيكون معاه جنب الـ Social الـ SEM والـ SEO والـ Email Marketing وغيرها على حسب المطلوب في الشركة اللي هو شغال معاها او فيها وكده ببساطة نكون لمينا مجال الديجيتال ماركتينج او على الأقل أغلبه ببساطة عاوزين نتعلم.. نتعلم إزاي؟ أنا هقولك تتعلم إزاي في الأول ممكن يكون فيه مصطلحات معقدة عليك لإنك لسه جديد في المجال فيُفضل تبدأ بماتريال عربي أو ماتريال Mixed بين الانجليزي والعربي أو عاميه، بعض من الماتريال الجاية محتواها مش قوي أوي بس مبسطه تعرفك البداية وأول الطريق وده المهم لإن الإهم من الـ Self Study إنك تشتغل في شركة أو تكون في مكان ومع ناس تتعلم منهم أكتر وده اللي هيعلمك أكتر من أي ماتريال بس عشان توصل لده لازم تكون عارف عشان على الأقل تعدي انترفيو التدريب.. يلا بينا نبدأ أولا: كتاب فيه إزاي تبدأ في مجال السوشيال ميديا و أهم المهارات اللي لازم تكون عندك https://goo.gl/sQgaFY ثانيا: كورس سوشيال ميدياوي للديجيتال ماركتينج https://goo.gl/u9c36K https://goo.gl/DGmxgT https://goo.gl/ULFkeF https://goo.gl/tXuFZt https://goo.gl/66t9eT ثالثا: بلوج موقع School of marketing https://goo.gl/RL8Aew ودي من أهم الحاجات اللي ممكن تقرأها عن المجال رابعا: كورس للديجيتال ماركتينج معمول من أهم الناس اللي بيشتغلوا ماركتينج في Silicon Valley https://goo.gl/b4JBHV خامسا: يعني إيه SEO وSEM؟ https://goo.gl/yJkr8i https://goo.gl/pdbRd6 سادسا: كورس كامل للتسويق الإلكتروني https://goo.gl/PqD2mP سابعا: كورس جوجل Ads او Adwords https://goo.gl/Tu3YuZ ثامنا: المحتوى التسويقي https://goo.gl/ePLW2k تاسعا: كتاب عن خطط المحتوى التسويقي وكيفية اعدادها https://goo.gl/AyUNEJ عاشرا: كتاب عن البراندينج https://goo.gl/kn6xpc احدى عشر: كتاب عن نظريات وطريقة كتابة المحتوى https://goo.gl/kw1ah3 وهنا نكون خلصنا الماتريال اللي هنتعلم منها يعني إيه ديجيتال ماركتينج وهتحطنا على أول الطريق او هتخلينا عندنا خبرة بسيطة وانت ودماغك اللي بتعرف تذاكر وتفكر فيه مهارات اضافيه مش لازمه بس لازم تكون عارفها او تكون عندك زي إيه؟ أنا هقولك الفوتوشوب: ده مش من اختصاصك بس لازم تكون عارف لإن في مصر فيه شركات كتير بتحملك تاسك إنك تعمل تصميمات لو بسيطة فوق شغلك وده موجود في شركات كتير جدا فعشان متوقفش سوقك لحد ما تجمع خبره لازم تكون بتعرف تعمل ده.. ده كورس للفوتوشوب من البداية https://goo.gl/niqJST الإنجليزي: اللغة الإنجليزية مهمه جدا في المجال ده عشان المصطلحات وعشان ممكن تشتغل في شغل بالانجليزي او مع اجانب وده بتكون خبرته وفرصه وفلوسه احسن ليك ودول كورسين انجليزي من البداية واحد للمعاملات اليومية والتاني للبيزنس والشغل https://goo.gl/LZT9c9 https://goo.gl/PBXetb وأخيرا بعد ما تعدي بكل المراحل دي تشتغل إزاي لازم تعمل C.V أو Resume محترم فيه صورتك والإيميل بتاعك لازم يكون ايميل شغل رسمي يعني مفيهوش نقط وارقام كتير زي مثلا Youkri@yahoo.com بسيط ومفيهوش تعقيدات عشان فيه سيفيهات بتترفض بسبب الإيميل بس وتقدر تعمل سي في محترم من هنا https://goo.gl/qZJrf4 أو من هنا https://goo.gl/y3ghL5 أو من هنا https://goo.gl/7JiQ11 وبعد كده هيجي دور إنك تدور على شركات فيها تدريب أو Internship أو تجرب تقدم في وظيفة Junior وانت وحظك وعشان تعمل ده هتلاقيه فين؟ أنا هقولك أولا: جروب Jobfeed وهو جروب متخصص في كل وظايف وتدريب الماركتينج في مصر تحديدا او بره مصر https://goo.gl/xy4izK ثانيا: صفحة الـ Internships بموقع Wuzzuf https://goo.gl/8SU8SG ثالثا: جروب Digital Marketing Jobs in egypt https://goo.gl/AFF3rw وبعد كده خلاص بقيت خبره كل اللي انت محتاجه تعمل أكاونت على موقع Wuzzuf و فرصنا وتتابع جروب Jobfeed وجروب Digital marketing jobs لو فيه وظايف تناسبك كل ما بتزيد خبره مع الوقت وتتابع جروبات زي صنايعية المحتوى وسوشيال ميدياوي لإن دول هيفيدوك طول ما انت شغال في المجال