. ▪Active Listening.
➖➖➖➖➖➖➖
👂من أهم المهارات في شغل البيع مهارة الإنصات،
👂والإنصات غير الإستماع أو الاستماع مع الفهم .
👂المهارة دي للأسف كلمة بتتكتب في ال C.V. وخلاص ومعظمنا بيفتقدها.
👂أهمية مهارة الإنصات في عملية البيع إنك بتعرف احتياجات العميل و بتعرف منها المشكلة اللي مش واضحة عند العميل وبسبب المشكلة دي فشلت عملية البيع، فلو انت سمعت كويس و عالجت المشكلة العميل أقتنع واشتري.
👂المهارة دي محتاجه تدريب ومتابعة زي أي مهارة تانية وبتزيد مع الاستخدام الكتير.
👁🗨ستيفن كوفي (مؤلف كتاب العادات السبع للناس الأكثر فعالية ) عملك 5 مراحل لمهارة الإنصات علشان تعرف إنت في أي مرحلة وتشتغل على نفسك وتطورها.
1) Ignoring listening.
➖➖➖➖➖➖➖➖
دي أقل مرحلة في مهارة الإنصات، و بتتميز إن الشخص ده مش مهتم يسمع الآخرين ومش مركز معاهم وممكن يتكلم أو ينشغل بأي شيء أثناء حديثهم.
2) Pretend listening.
➖➖➖➖➖➖➖➖
الشخص بيتظاهر إنه سامع بس هو لا سامع ولا مركز أصلا.
3) Selective listening.
➖➖➖➖➖➖➖➖
هنا الشخص بيختار يسمع الحاجات المهمة ليه أو المشوقة وباقي الحديث مش بيسمعه أو مش مركز.
4) Attentive listening.
➖➖➖➖➖➖➖➖
الشخص بيسمع ومركز مع الاخريين بس بيسمعهم وبيتفاعل مع حديثهم من وجهة نظره ومشاعره الشخصية.
5) Empathic listening.
➖➖➖➖➖➖➖➖➖
أنت هنا بتسمع وبترد وبتتفاعل مع الاخريين بقلبك وعقلك ومتخيل و حاطط نفسك مكان الآخر، ودي أعلي مرحلة و دي اللي بتعمل قيمة و قدر لأصحابها.
➖➖➖➖➖➖➖➖➖➖➖➖➖➖➖➖➖➖
Comments