انقراض الOrganic Reach
كلنا عارفين ان الريتش غير المدفوع علي الفيس بوك عمال يقل لحد ماوصل لمستويات متدنية جدا. اخر الآبحاث بتقول ان الريتش نزل في ٢٠١٤ من ١٦٪ ل ٦.٥٪ لحد ماوصل لآقل من ٢٪ في ٢٠١٨ ودي نسبة آو مؤشر يدل علي اتجاه الريتش للإنقراض فعلا وطبعا ده سببه مفهوم للناس كلها وهو ان الفيس بوك عايز الناس تتجه للإعلانات بشكل آكبر وده معناه استثمار اكتر علي منصة فيس بوك الإعلانية. طب ده معناه ان مفيش حل غير المدفوع؟ للآسف الاجابة ايوه مفيش غير المدفوع نعتمد عليه في شغلنا إلا لو عملنا واتبعنا شوية النصايح دي اللي المفروض تساعدنا اننا نوصل بشكل آكبر من غير ما نستخدم الإعلانات المدفوعة.
١- استخدم آنواع البوستات اللي بيوفرها الفيس بوك غير انك تنزل بوست مكتوب آو صوره وخلاص. دلوقتي تقدر تعمل (Poll) وده انك تنزل اختيارين للناس وتسيبهم كل واحد يصوت للاختيار الآفضل بالنسباله وده نتيجة تفاعله مضمونه ١٠٠٪. ٢- الفيديو اللي مدته متعديش دقيقة ويكون بيقدم معلومة جديدة حتي لو كانت معلومة واحدة بس. ٣- البوست المكتوب اللي مليان مصادر تنفع الناس لآن حجم المينشن عليه بيبقي كتير وده بيزود الريتش جدا. ٤- يكون المحتوي بتاعك ليه علاقة بتريند عالي الفترة دي وتوظيفه يكون بحرفنة علشان ميبقاش قص ولزق وخلاص.
طبقوا الكلام ده وجربوه وشاركونا بالتغيير اللي حصل ولو عندكم آفكار تانية حطوها في كومنتات
Comments