إزاي تكبر القناة بتاعتك علي الـ Youtube ?

إزاي تكبر القناة بتاعتك علي الـ Youtube ?

-بنتكلم عن تاني أقوي موقع في العالم و تاني أكبر موقع للزيارة في مصر بعد ( جوجل ) و قبل الـ Facebook ، بإكتر من 40 مليون مستخدم منتظم لليوتيوب في مصر ، و أكتر من 3 مليون بحث يومي منتظم ، و حوالي 650 مليون بحث شهري في مصر بس . - موقع اليوتيوب هو أحد مواقع شركة جوجل بإجمالي مشاهدات عالمية بتوصل لـ 3 مليار مشاهدة ، انت متخيل الوصول ؟ - الـ Youtube رقم 2 في مصر بعد جوجل و قبل الـ Facebook بالتالي هو أكبر من الانستجرام و تويتر مجتمعين في مصر ( عدد مستخدمين إنستجرام في مصر مكملش 15 مليون ) و تويتر حوالي 3.2 مليون مستخدم . - من المواقع اللي بتنافس اليوتيوب عالمياً هو موقع Pintreset و موقع Vemo و موقع IGN و بيحتوي علي أكتر من مليار مقطع مصور بطريقة أو بأخري و عندنا نوعين من اليوتيوب : - Youtube Red - Youtube Preminum و هو اللي متاح فيه الاعلانات و اللي معملوه بلوك لإي إعلان . خلاص عرفت أهمية اليوتيوب و الارقام دي شدتك ؟! تروح تعمل قناة علي اليوتيوب ؟ .. لا طبًعا .. لازم يكون في حاجة ليها و إستخدام سواء To Brand Business أو To brand Your self . - إزاي أعمل قناة علي الـ Youtube ? لو عندك إيميل Gmail هتخش علي الـ Youtube و هتلاقي علي اليمين كلمة My Channel هتدوس عليها هيدخلك علي إنشاء قناة جديدة ، تعالي ناخد بقي الـ Best Practsies في اليوتيوب : 1- لازم القناة تكون بإسم كلمة مفتاحية ملقوطة من جوجل ، يعني إنت مثلاً عشان تعمل قناة عن الدايت ، بتخش جوجل Keyword Planner و تاخد الـ Height Keyword Volume و هتبقي هي دي إسم قناتك . 2- إختار اسم القناة Long Tail عشان تتفادي المنافسة مع الناس التقيلة . 3- خلصت القناة ؟ تروح ناشر فيديوهات و بتاع ؟ .. لا طبعا حاجة كلنا مش بناخد بالنا منها و هو لـ Youtube Primelink أيوا كدا زي ما سمعت ، لازم الرابط الدائم بتاعك يكون الكلمة المفتاحية أو الكلمة الدلالية للكلمة المفتاحية . مش عارف يعني إيه كلمة دلالية من الكلمة المفتاحية ؟ .. " ذاكر سيو " 4- تروح طالع بفيديو ؟ .. لا طبعًا .. تروح تعمل حاجة إسمها Define the channel for the search engine through the descriptive text . يعني إيه بقي .. يعني تعريف قناتك بمحرك البحث عن طريق النشر الوصفي للقناة نفسها ، و هنا هتراعي تكرار الكلمة المفتاحية من 2% لـ 3% عشان الناس اللي بتحشي زيادة كأنها صنية ورق عنب . 5- أرفع الفيديو ؟ لا برضك .. روح إعمل للرابط الدائم الخاص بالقناة بتاعتك حاجة إسمها Backlink Wheel يعني ايه بقي " روابط خلفية " للكلمة المفتاحية الخاصة بالنيتش اللي بتنافس فيه . - يعني إيه Backlink Wheel ؟ هي الاستراتيجية الوحيدة اللي جوجل مش بيعاقب بيها في محرك البحث للنشر الكمي للروابط الخلفية . بتتعمل إزاي ؟ .. بتروح تعمل Blogg و تحط فيه روابط القناة بتاعتك و الBlogg بتاعك يشاور بـ DO FOLLOW لينك علي أي Social Signals واخد نفس رابط قناتك ، و ليكن تويتر مثلاُ ، يروح تويتر مشاور علي لينك مختلف فيه رابط قناتك ، و هكذا لحد ما تقفل الدايرة " ساقية الروابط " . 6- طبعًا مش محتاج أقولك إن كل دا للقناة ، يعني لسة مجناش ناحية تهيئة الفيديو نفسه لليوتيوب ، عشان الناس اللي فاكرة إني أرفع فيديو و أنزله علي الجروبات هو دا اللي هيرفع المشاهدات . " شغل أنكش " . 7- كدا يا بطل إنت عملت كل ما يتعلق بتعريف قناتك علي اليوتيوب ، ناقص إيه بقي ؟ ... عاش الـ Content Strategy اللي حضرتك هتحطها و دي اللي هناخدها المقالة الجاية بالتفصيل .