السفر للامارات والعمل هناك
فيه حاجة من اتنين ملهمش تالت 😃
يا عقد عمل من مصر وبقي قليل
يا تاخد بعضك زي الشاطر وتاخد شنطتك وجايلك يا دبي 🤓
طيب الكلام دا هيكلف كام؟؟ 🤔
تأشيرة الزيارة - تذكرة الطيران - مصاريفك اليومية
1- تأشيرة الزيارة: شهر ب 400 درهم تقريبا او 3 شهور ب 1000 درهم تقريبا
2- تذكرة الطيران: متغيرة طبعا و لكن رينج 1000 درهم
3- مصاريفك اليومية: سكن حوالي 1000 درهم - مواصلات حوالي 800 درهم - أكل حوالي 800 درهم
الشغل بقي
الميديكال و دا الاساس بتاعنا هنا
لازم يكون معاك رخصة و رخصة الامارات مش سهلة ولا يغني عنها اي رخصة تانية
رخصة القيادة ممكن بس تكلفك من 4 ل 12 الف درهم ومافيهاش وسايط 🤓
بعض الشركات بتشترط سنة خبرة علي الاقل في الخليج
مرتبات الميديكال هنا من 2500 ل 3500 دولار يعني حوالي من 8 ل 13 الف درهم
اللي الناس بتعمله بقي بتشتغل في اي مجال تاني واللي انا اقصده بالسيلز اللي تحت دا 👇
الشغل معظمه هنا سيلز
الرواتب لو الانجليزي بتاعك بسيط او متوسط بيبدا من 2500 و 3000 ولو الانجليزي بتاعك احسن بتبدا من 4000 ل 5500
طيب ولو لقيت شغل برجع مصر؟؟
بيبقي فيه حل من اتنين ملهمش تالت يا ترجع مصر والشركة بتبعتلك تأشيرة عمل تدخل بيها يا اما بتفضل في البلد و بيتعملك تعديل وضع للتاشيرة بتاعتك من سياحة لعمل
حاجة اخيرة
ليه دبي بس؟؟ عشان هي الامارة الوحيدة اللي تاشيرتها مفتوحة للمصريين باقي الامارات مقفولة ع المصريين
لو مش جرئ خليك في مصر احسن
لو مش بتعرف تتحكم في نفسك من اكل وشرب وفسح خليك في مصر احسن
لو حاسس ان الكلام ممكن ينفع حد شير البوست او منشن صاحبك اللي محتاج الكلام دا وطبعا اي حد ممكن يستفيد بالكلام دا 😊
ياجماعه لان الاسئله كتيره قوي احنا هنثبت البوست ده
ملحوظه #مفيش_توثيق
تنقسم الامتحانات في الامارات الى تلت اقسام
1- ابوظبي ومايتبعها (HAAD)
2- دبي (DHA)
3- الامارات الشماليه (MOH)
والله #مفيش_توثيق_اي_ورق
للتقديم لاي امتحان من التلاته محتاج الاوراق التاليه
1- شهادة البكالوريوس
2-شهادة بيان درجات
3- كارنيه مزاولة المهنه (يكون تاريخه ساري)
4-شهادة خبره (ميكنش عدى عليها اكتر من 6 شهور ولو الشهاده من صيدليه لازم يكتب عنوان وتليفون الصيدليه كاملين )
5- صوره شخصيه بخلفيه بيضاء
6-صوره من اول صفحه في جواز السفر
7- وده اختلف عليه فيه ناس قدمته وناس لا شهادة حسن سير وسلوك (بتطلع من النقابه
8_ شهادة الثانويه العامه
اولا :نبدا باول امتحان DHA
التقديم في dha على موقع هيئة صحة دبي
https://eservices.dha.gov.ae/DHAWeb/default.aspx…
بينما في moh على موقع وزارة الصحه
المذاكره للامتحان DHA من الملفات التاليه
1- https://www.facebook.com/…/13965634206160…/1823667774572285/
2- https://lookaside.fbsbx.com/…/Pearsonvue-new%20qts..pdf1.pd…
ثانيا : امتحان ال MOH
للتقديم على موقع وزارة الصحه
الخطوات اضغط على الرابط التالي
https://lookaside.fbsbx.com/…/MOH%20application%20how%20to%…
للمذاكره :
1- ملف ال 400 سؤال
2- ملف ال 120 سؤال
ثانيا امتحان الهاد HAAD
التسجيل على موقع هيئة الصحه باابوظبي
https://www.haad.ae/haad/tabid/1075/Default.aspx
للمذاكره يفضل التواصل مع جروب الهاد ودكتوره ايناس Enas Mesbah
للدخول لجروب الهاد be or not to be الرجاي كتابة بوست على الجروب وطلب الاضافه
لفديوهات طرق التقديم اضغط الرابط التالي
https://www.facebook.com/media/set/…
كلام مهم لشباب الدعايه الطبيه الصيادله المصريين الراغب في القدوم للبحث عن عمل بدوله الامارات العربيه المتحده
في طريقه واحده انك تدخل الامارات العربيه المتحده للبحث عن عمل هيا التقديم من اي مكتب سياحه بمصر او من مكتب طيران الاماراتيه او الاتحاد علي فيزا سياحه طويله المده او Long term visit visa ودي بتكون مدتها تسعين يوم 90 calendar days وبعد اصدارها بيكون من حقك تدخل البلد خلال شهرين من تاريخ الاصدار تمن الفيزا نفسها تمنميه لتسعميه درهم اماراتي هتكلفك. بالمصري بعموله المكتب ست الاف جنيه مصري
الفيزا دي بتكون قابله للتحويل لفيزا عمل تحت بند اسمه تعديل وضع (بدل مغادره) في حاله انك حصلت شغل بالفعل ومضيت عقد مع الشركه غير مسموح ليك بالعمل بفيزا السياحه نهائي فانت بتمضي وبيتعملك فيزا عمل وتعديل وضع وبعدين تبتدي العمل
نظام السكن انت لما بتيجي الامارات قدامك حاجه من الاتنين تعد مع واحد صاحبك او تسكن في دبي سكن شيرنج او مشترك والسكن بيكون احسن لو جنب محطه مترو عشان يسهل عليك الامور في التنقلات السكن بيبتدي من اول الف ومتين بيكونو اربعه في الاوضه وشامل انترنت كهربا مياه ونضافه في ارخص وفي اغلي حسب التسهيلات وعدد الناس في الغرفه متوسط التكلفه البيزيك للتلات شهور معيشه حوالي عشر الاف درهم قابله للزياده احسن فتره هيا زي اي بلد اخر السنه واول السنه غير مسموح ليك بالعمل بفيزا السياحه نهائي فانت بتمضي وبيتعملك فيزا عمل وتعديل وضع وبعدين تبتدي العمل الجديده
لا يمكن القياده بالرخصه الدوليه الا في فتره الزياره السياحيه وعند اصدار اقامه ممنوع منعا باتا
لا تعرض نفسك لسماسره الاقامه عند ذخول البلد الشركات بنفسها هيا اللي بتعملك اقامه
لو انت صيدلي وجاي تدور علي شغل دعايه طبيه مش. محتاج اي تراخيص بس ياريت تاخد ترخيص مزاوله مهنه DHA قبل ما تيجي احتياطي عشان لو محصلتش شغل دعايه طبيه ودا طبعا محتاج علي الاقل سنتين خبره وطبعا عشان تشتغل دعايه لازم يكون عندك خبره
الانجليزي لو حاسس انك ضعيف فيه حاول تاخد كورس بجمله المصاريف مش هتخسر كدا كدا
الموضوع في الاول وفي الاخر نصيب ورزق في ناس ربنا وفقها في البلد هنا وفي ناس كان مكتوبلها رزق في مكان تاني وبلد تاني
المطلوب منك تكون عارف ايه اللي انت داخل عليه وايه اللي انت ناوي تعمله
شهادات الخبره غير مطلوبه بس مهاراتك واسلوبك هوا دا الاي مطلوب مطلوب منك شهاده الجامعه معتمده فقط خارجيه مصريه ملحق ثقافي اماراتي بالمهندسين سفاره اماراتيه بالتجمع الخامس
شكرا جزيلا وبالتوفيق للجميع
Comments