دراسات عليا

البوست لدفعة صيدلة المنصورة 2018 خاصةً ولأي خريج صيدلة حابب يكمل دراسات عليا (خاصةً في جامعة المنصورة) #الدراسات_العليا #الجزء_الأول سلام عليكم .. وبعيداً عن جو الحفلات والتخرج والكلام ده .. خلونا ندردش كده عن الدراسات العُليا وإيه لازمتها وهل هي مناسبة ليا ولا لأ .. ! . 1. إيه هي أنواع الدراسات العُليا المُتاحة لخريج صيدلة ؟ عامة من حيث النوع فهم إما برامج أكاديمية (تؤهل للعمل الأكاديمي زي التدريس والأبحاث) أو برامج مهنية تؤهل لسوق العمل والمصانع والمستشفيات زي الماجستير المهني والفارم دي. ونقدر نفردهم لـ 4 حاجات تقدر تقدم عليها .. . أولاً: #الدبلومات ودي بتكون دراسة لمدة سنة في تخصص محدد زي مثلاً دبلومة السموم وبتكون عشان تدرس التخصص ده بشكل deep شوية عما أخدته في الundergraduate .. لكن في الغالب الناس بتاخدها أما يبقي تقديرها (جيد جداً أإو جيد) مانعها من التسجيل في الماستر .. فبياخدوها عشان تفيدهم في زيادة النقاط بتاعتهم ويقبلوا في تسجيل الماجستير، كذلك عشان معامل التحاليل (دبلومة البايو والميكرو). (النقاط وإزاي بتتحسب هتكلم عنها البوست الجاي). جدير بالذكر إن مواد الدبلومة لها امتحانات عملي ونظري. . ثانياً: #الماستر (ماجستير أكاديمي)، ده اللي الميعيدن بيعملوه .. وبيكون بالأقسام اللي عندنا .. بايو .. ميكرو .. فارما وهكذا .. دراسة سنة (تمهيدي الماجستير ودي بتكون تيرم أول عام .. كل الأقسام بيدرسوا نفس الحاجة مواد عامة هتحتاجها في شغل والتيرم التاني بيكون تيرم التخصص بتدرس فيه مواد تخصصك فقط علي حسب القسم بتاعك). وبعدها فترة الشغل العملي وكتابة الرسالة ومناقشتها وده بيتراوح ما بين سنتين ل5 (معرفش ممكن أكتر ولا ايه). ثالثاً: #الماجستير_المهني .. وده من إسمه ماجستير في تخصص معين للعمل فقط يعني يفيدك في مجال شغل معين زي ماجستير المناعة وده للناس اللي شغالة في بنوك الخلايا الجزعية مثلاً أو ماجستير رقابة الأدوية وده للي عاوز يكمل في مصنع قسم الQuality control وهكذا .. جدير بالذكر إن الماجستير المهني لا يؤهل لعمل دكتوراه ويجب الحصول علي ماجستير أكاديمي للتأهل للدكتوراه. . رابعاً: #الفارم_دي والنوع ده من البرامج دراسته بتكون سنتين مع تدريب (سنة دراسة نظري وسنة تدريب عملي في مستشفيات الجامعة) وبيؤهل للعمل الإكلينيكي داخل المستشفيات .. وده مناسب جداً للي حابب يشتغل في مستشفيات أو يكمل ويعمل معادلة ويسافر يشتغل بها في أي دولة وهكذا .. برنامج الفارم دي خرج 3 دفعات قبلنا (صييدلة المنصورة) .. والسنة دي هتكون الدفعة الرابعة بسهل تسأل حد من الدفعات اللي فاتت وتعرف منه أكتر عن البرنامج .. وعن نفسي مسمعتش عنه إلا كل خير و feedback محترم في مدة قصيرة. وكذلك الحال مع الفارم دي فهو يُعتبر برنامج مهني وعشان تكمل دكوراه محتاج تحضر ماستر أكاديمي. . أخيراً: قبل ما تقدم علي أي واحد من البرامج دي لازم تبقي عارف انت بتقدم ليه وهتستفيد به إزاي .. يعني حابب المستشفيات وشغل الكلينكال يبقي ماستر كلينكال أو فارم دي .. حاب المصانع يبقي ماجستير مهني .. حابب الأكاديميا وشغل التدريس وإنك تكمل في جامعة خاصة أو تسافر علي منح يبقي الماجستير الاكاديمي أو دبلوم وبعدها ماستر وهكذا .. يعني لازم تحدد الأول انت بتحب تعمل ايه وعاوز الcareer بتاعك يبقي فين وعلي الأساس ده تختار هتقدم دراسات عليا ولا لأ أصلاً ولو قدمت هتقدم علي ايه .. . أتمني كلامي يكون بسط الأمور شوية علي الناس التايهة أو اللي متلخبطين شوية .. وبالتوفيق جميعاً يارب 📷<3 -----------------------

إن شاء الله زمايلنا اللي حابين يقدموا دراسات عليا السنة دي 📷👏🏼📷😅 بس نصيحة لوجه الله 📷😪 قدم وتوكل علي الله بس في حالة انت عارف هتعمل ايه بالشهادة دي .. متضيعيش مجهود وفلوس علي الفاضي .. أقل ماستر بيتكلف 40 ألف حالياً 📷😅 فياريت تفكر كويس الأول .. وبلاش فكرة هاخدها ويبقي ربنا يسهل بعدين .. لازم يبقي عندك هدف واضح عشان تقدر تعافر وتكمل وبالتوفيق لينا كلنا إن شاء الله 📷❤️📷🌸 . شروط التقدم و معايير القبول ببرامج الدراسات العليا من الخارج اعتباراً من للعام الجامعى 2018/2019 وذلك يوم الاحد الموافق 8/7/2018 حتى الاثنين الموافق 20/8/2018 بكلية الصيدلة جامعة المنصورة و ده لينك جروب الدراسات العليا - صيدلة المنصورة عشان اللي حابب يتابع آخر المستجدات دائما https://web.facebook.com/groups/578044192250410/ . http://www.mediafire.com/…/87l…/Postgraduate+MU+Pharmacy.pdf

----------------------- البوست اللى عمله Muhammad Ali Khalaf وهو اكتر حد ممكن يفدكم فى اى استفسار عن بحث علمى ودراسات العليا لينك البوست الاصلى https://www.facebook.com/photo.php?fbid=2110267962630434&set=a.1447769122213658.1073741828.100009417537484&type=3&theater&ifg=1 --------------------