مصطلحات هامة في الـ Digital Marketing

مصطلحات هامة في الـ Digital Marketing - الجزء الاول ( مصطلحات الـ Branding )

Branding :

الهوية الخاصة بالعلامة التجارية من حيث ( الشكل و الصوت و مذاق البراند و كراكتر البراند ) و عشان كدا لما بنيجي نشرح الـ Branding لاي شخص بنقول تخيل البراند شخص و حطله شخصية ، يعني مثلاً لونه ايه ، بيخاطب مين ، طريقة كلامه في الاعلانات هل هي لغة عامية ولا لغة عربية فصحي ، هل البراند بيقدم شكله في صورة كوميدية زي ( بريل ) و تودو مثلاً ، ولا بيقدم نفسه بشكل جاد جدًا زي ( النساجون الشرقيون ) و ( العربي ) و هكذا ، و دا بنسميه شخصية البراند ، و بعد كدا بنبدأ نطبق نظرية الـهوية الخاصة بالبراند من اللوجو و المطبوعات و السوشيال ميديا بشكل عام .

Brand equity : و المصطلح دا محدش بروفيشنال في الماركتينج مش عارفه ، لانه مرتبط بلسوشيال شير ، ومعناه ( حصة البراند أونلاين من الماركت شير ) يعني مثلاُ فودافون مستحوذة علي 60% من قطاع الاتصالات الاونلاين ، يبقي البراند إكويتي بتاعها = 60% ، و دا مهم جداً في تقييم الحصة السوقية للبراند لتحديد سعر عام لبيع ، يعني مثلاُ سوق لما جت تتباع شافو البراند بتاعها قيمته السوقية بتساوي كام مليار و بقي دا تمن الشركة . Brand Story Board : لما يبقي أي إعلان لإتصالات مثلاُ شايف كل حاجة في الاعلان لونها أخضر ، و بانرات السوشيال ميديا و الاعلانات و كل الويب سايت ، حتي لون المحلات يبقي لون واحد ، دا اسمه هوية البراند ، الـ Story board هو رسمة استوري البراند أونلاين في شكل جرافيك . Brand Goals :

و دا اهدافك كبراند كبير و ملظلظ ، عاوز تبقي فين كمان خمس سنين ، يعني إنت شركة دعاية و إعلان عاوز تبقي شركة تسويق ، دا في حد ذاته هدف بتسعي إليه ، أو مثلاُ يكون لك فروع كتير برة مصر ، دا بيسمي براند جول . Brand objective :

و دي خطواتك بشكل عام ، أهدافك و دي اللي بتحقق بيها الجولز اللي فاتت ، يعني مثلاُ إنت عشان تحقق جول إنك تبقي شركة Multinational لازم تبقي منتشر من خلال الـ لاعلانات اللي هي objective . Brand Identify :

و دي شكلك ، هويتك ، اللوجو و التصميم الخاص بك ، الجايد لاين ، الكروت و اليفط و البانرات ، و التعريف العام هو " كل شكل مرئي من العلامة التجارية سواء أونلاين أو أوفلاين . Brand attack: ( مهم جدا )

و دا بنسميه " الهجوم الالكتروني بشكل جماعي علي براند " سواء بحملات منظمة أو غير منظمة ، هجوم علي البراند بشكل عام ، و يمكن أخر مرة كان فيه براند أتاك علي براند كبير كان علي بي تك ، و لازم تكون حاطط من ضمن استراتيجي التسويق بتاعتك إستراتيجي لو حصل هجوم علي شركتك أونلاين و دي بنمشي فيها علي 4 خطوات أولاً تبقي عارف نوع الهجوم ( فردي – جماعي – منظم – غير منظم ) ثانياً تبقي عارف الهجوم لوجيستي ولا تقني ( هل حدث إختراق في البرند ، هاكينج ) ثالثًا ( التفعيل القانوني في مصر للهجوم علي البراند بيكون علي الشركات الكبيرة فقط ، يعني بيتم اتخاذ اجراءات بشكل قانوني من الادارة العامة لمباحث الانترنت في حالات الاختراقات الخاصة بشكل موثق علي موقع او حساب بنكي و هكذا . رابعًا ( خطتك الاعلانية لمواجهة الحملة اللي ضدك و كل اساليب دفاعك عن نفسك ( تسويق البراند بشكل تاني ، تغير هوية العلامة التجارية تماما للتغلب علي الهجوم زي ما عملت الاضواء لما كان البراند بتاعها علي ألوان الريمبو ، تم تغيير كل الهوية التجارية لها . Brand PTAT : People Talking about that : و دا في البراندينج إسمه اللوغاريتم الانتشاري ، يعني مثلاً لو اتكلم عنك شخصية محبوبة بيكون تأثيره 4 أضعاف حملاتك الاعلانية التقليدية ، و هي طريق رؤية الناس للبراند بتاعك و تحدثهم عنك سواء إيجابًا أو سلبًا . -----------------

دي أِشهر مصطلحات الـ Branding بشكل عام ، مينفعش تكون بتاع سوشيال ميديا و إنت مش فاهم Branding ، و مينفعش تكون ديزانير و انت مش فاهم Branding .

في وظيفة مهمة في أي شركة كبيرو إسمها الـ Brand Manager هو اللي بيرسم كل اللي فوق دا !