نموذج ١١١ ؟؟ ده بتاع ايه ؟؟؟؟!!!!!!!!!

نموذج ١١١ ؟؟ ده بتاع ايه ؟؟؟؟!!!!!!!!!

..

اولا : الدولة بتجبر اصحاب الاعمال (الشركات) انهم يأمنوا علي الموظفين تأمين صحي علشان يقدر يكشف لو حس بمرض او ياخد اجازة مرضي.. الخ...

..

طيب الشركات بتعمل ايه بقي ؟؟

اول ما الموظف يتعين جديد يقوم الاتش ار يطلب منه نموذج ١١١ تأمين صحي..

..

حلو كدا ؟؟ حلو..

يروح الموظف يشتري النموذج ده فاضي و يديه للاتش ار.. فا الاتش ار يملا البيانات بتاعت الشركة و يديه للموظف تاني..

..

حلو كدا ؟؟ حلو..

بعدين يروح الموظف يكشف و النموذج بيتكتب فيه الموظف لائق طبيا في ايه.. و غير لائق في ايه..

..

بعدين الاتش ار يستلم النموذج تاني بعد الكشف و يبدأ يمشي في اجراءات استخراج بطاقه علاجيه و يديها للموظف يكشف بيها بقي بعدين لو تعب او بعد الشر جاله مرض..